هرات ولایتی سوت محصولاتلری اویوشمهسی مسئوللری، بو ولایت ایچکی بازارلر احتیاجلرینی قاندیریشگه قوشیمچه، هر آی ۱۰ تُن قروت و حیوانی یاغ تورکیه گه یوباریشینی معلوم قیلهدیلر.
هرات سوت محصولاتلری اویوشمهسی باشلیغی عبدالرحیم عثمانی گه کوره، هر کونی هراتده ۱۰۰ تُندن آرتیق سوت ایشلب چیقریلیب و بازار گه کیریتیلهدی.
هراتده ایشلب چیقریلهدیگن قوی قروتی یوقاری صفتی طفیلی تورکیه بازارلریده طلب یوقاری بولگن محصولاتلردن بیری حسابلنیشینی قوشیمچه قیلهدی، عبدالرحیم عثمانی.
اونینگ کوپهیتیریشیچه، ایندیلیکده هرات شهری بویلب ۲۰۰ سوت محصولاتلرینی ایشلب چیقروچی دکان فعالیت آلیب بارماقده.
