افغانستان مرکزی بانکی، بوگون (پنج‌شنبه، ۵ اسد)، بیر بیانیه ترقه‌تیب ایتیشیچه، معامله‌لرده قولی‌لیک یره‌تیش مقصدیده ایسکیرگن ۵۰ و ۱۰۰ افغانی‌لیک پول‌لرنی ییغیب و اورنیده ینگی چاپ بولگن ۵۰ و ۱۰۰ افغانی‌لیک بانکنوت‌لرنی کیله‌سی هفته شنبه کونی، ۷ اسد، توزیع قیلیش جریانینی باشله‌یدی.
سلام‌وطندار ۲۶ عیال مدافع وکیل بیلن اوتکزگن صحبتیده، اولر جمهوریت توزومی قوله‌شیدن کیین، خوفسیزلیک تهدیدلر و اقتصادی قیینچیلیکلر بیلن روپه‌ره بولگن‌لرینی معلوم قیلگنلر. مذکور ۲۶ عیال مدافع وکیل دن ۱۹ ته‌سی، خوفسیزلیک تهدیدلر باعث بیر جای ده دایمی روشده تیریکچیلیک قیله آلمسلیک‌لرینی ایتگنلر. اوشبو مدافع وکیل‌لردن آلتی ته‌سی افغانستان نی ترک ایتیش گه اولگورگن بولسه ده؛ بیراق باشقه ۱۳ ته‌سی همان افغانستان ده تیریکچیلیک قیلماقده دیر.
اوزبیکستان نینگ کابل ده‌گی ایلچیسی، افغانستان و اوزبیکستان نینگ مناسبت‌لری حاضرگچه مستحکم و سونگی سیاسی اوزگریش‌لر بو مناسبت‌لر اوستیگه تأثیر قیلمه‌گنینی معلوم قیلدی.
فاریاب یشاوچیلریدن بیرقطاری، اوشبو ولایت ده نیچه ییل دن بویان ایشلاوچی و تیلنچی باله‌لر سانی کوپهیگنینی ایته‌دیلر. فاریاب مرکزی میمنه شهری ده، کونلرینی یشاوچیلر نینگ ایاق کییم‌لرینی بویش بیلن اوتکزه‌یاتگن ۱۲ یاشر سهراب گه کوره، عایله اعضالری نینگ خرجتینی تأمینلش اوچون یشاوچیلر نینگ ایاق کییم‌لرینی بویش گه مجبور دیر.
سونگی کون‌لرده، مملکت پایتختی کابل و باشقه بیر قطار ولایت‌لرده سوو تاشقینی یوز بیریشیدن کیین، افغانستان هواشناس‌لیک ریاستی بوگون و ایرته (۵ و ۶ اسد)، مملکت نینگ ۲۰ ولایتیده بوران بیلن سوو تاشقینی یوز بیریشیدن آگاه‌لنتیرگن.
بادغیس ساغلیق‌نی سقلش مسئوللری نینگ ایتیشلریچه، اوشبو ولایت نینگ قادس تومنیده «بوتولیسم» کسل‌لیگی طفیلی بیر عایله نینگ تورت اعضاسی هلاک بولگن. بادغیس مرکزی کسلخانه‌سی نرسلر باشلیغی اجمل عاطف گه کوره، احوال‌لری آغیر بولگن مذکور کیشی‌لر اوشبو هفته نینگ بیرینچی کون‌لریده مذکور کسلخانه گه انتقال بیریلگن ایدیلر.
بوگون (چهارشنبه، ۴-اسد)، صناعت و سوداگرلیک وزیرلیگی مسئوللری، «دولت نینگ ملت گه حساب بیریش» برنامه‌سیده ایتیشلریچه، خارجی سرمایه یاتقیزووچیلر افغانستان ده ایکی میلیارد دالرگچه سرمایه یاتقیزش اوچون علاقه کورستگنلر.
ینگی‌لیکده، معلومات و مدنیت وزیرلیگی مملکت بویلب اوشبو وزیرلیک تامانیدن خبرچیلر گه کارت توزیع قیلیش جریانی باشلنگنیدن خبر بیرگن. اوشبو کارت‌لر خبرچیلر گه توزیع بولیشی، خبرچیلر و میدیا ایشلاوچیلری نینگ خواطری گه سبب بولگن.
تخار ده هوا ایسیق بولیشی بیلن بیرگه، اوشبو ولایت مکتب‌لری نینگ آمرلری و معلم‌لریدن بیرقطاری گه کوره، هر کونی اوقووچیلر هوا ایسیق‌لیگی باعث هوش دن کیته‌دیلر. اولر نینگ ایتیشلریچه، بیر صنف ده ۴۰ و ۱۰۰ اوقووچی درس اوقیدی و سونگی کون‌لرده هوا درجه‌سی کوتاریلیشی باعث، اولردن قطاری هوش دن کیته‌دی.
افغانستان فوتسال تیرمه جماعه‌سی بوگون مرکزی آسیا فوتسال کپی (کافا) اوچینچی اویینیده، ایران فوتسال تیرمه جماعه‌سی بیلن رقابت قیله‌دی.
بلخ امنیتی رسمی‌لری، عاشورا مراسمی عرفه‌سیده اوشبو ولایت ده مسجدلر و تکیه‌خانه‌لرنی باریب کورگنلر. بلخ ولایتی خوفسیزلیک رسمی‌لری، مذکور ولایت ده مسجدلر و تکیه‌خانه‌لرنی کوریش پیتیده، شیعه‌لر گه مذهبی مراسم‌لرینی اوتکزیش اوچون خوفسیزلیک تأمین ایتیلیشیدن ایشانچ بیرگنلر.
پروان امنیه قوماندانی عزیزالله عمر، اوشبو خبرنی تصدیقلب سلام‌وطندار گه ایتیشیچه، دره‌ی غوربند اوچ تومنیده سوو تاشقینی یوز بیریشی باعث سیاه‌گرد تومنی چهارده بازاری منطقه‌سیده پروان_بامیان یولی ترافیک یوزی گه یاپیلگن ایدی، بیراق امنیه قوماندان‌لیگی و لوا کوچلری نینگ سعی‌وحرکتی طفیلی قیته دن آچیلگن.
طبیعی آفت‌لرنی باشقریش ایشلری بوییچه دولت وزیرلیگی نینگ ایتیشیچه، افغانستان سوو تاشقینی باعث زیان کورگنلر گه یاردم بیریش اوچون بیرلشگن ملت‌لر تشکیلاتی و مملکت‌لر نینگ تیز یاردم‌لری گه محتاج دیر.
برشنا شرکتی مسئوللری، بوگون (سه‌شنبه، ۳ اسد)، «دولت نینگ ملت گه حساب بیریش» دستوری ده ایتیشلریچه، اوتگن بیر ییل ده برق پولی دن قرضدار کیشی‌لردن ۳۳ میلیارد دن آرتیق افغانی توپلشگن، اوشبو پول نینگ ۱۱۸ میلیونی زوروان‌لر وسابق حکومت سیاستچیلری دن ییغیلگن.
بوگون (سه‌شنبه، ۳-اسد)، عیاللر نینگ گوزه‌للیک سالون‌لرینی یاپیش مهلتی؛ مینگ‌لرچه کیشی اوچون اوی‌دن تشقری‌ده ایشلش نینگ یکونی و اقتصادی قیینچیلیکلر نینگ باشلنیشی دیر.
اسلام امیرلیگی سوزلاوچیسی ذبیح‌الله مجاهد نینگ ایتیشیچه، پاکستان نینگ افغانستان ایشلری بوییچه مخصوص نماینده‌سی آصف درانی کابل گه قیلگن سفری دایره‌سیده، ایریم مسئله‌لر جمله دن سوداگرلیک، مهاجرلر و خوفسیزلیک مسئله‌لرنی بحث گه آلیب و بوتوغریده تامان‌لر کیلیشگنلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
