ایچکی ایشلر وزیرلیگی سوزلاوچیسی طارق آرین نینگ ایتیشیچه، بوگون (شنبه،۲۲- قوس) ایرتهلب پایتخت نینگ ایریم بولیملریده ۱۰ راکت اصابت قیلگن کیم نتیجهده، بیر کیشی هلاک و باشقه ۲ کیشی یرهلنگن.
بیرلشگن ملتلر تشکیلاتی ده افغانستان دایمی نمایندهلیگی، افغانستان وضعیتی توغریسیده مذکور تشکیلات عمومی مجمع قطعنامهسی نینگ تصویب بولگنیدن خبر بیرگن.
افغانستان اسلامی جمعیت حزب کاتبخانه سرپرستی عبدالرحمان حامد حمزه نینگ ایتیشیچه، تینچلیک پروسهسی نینگ مدیریت قیلیش افغانستان اهالیسی گه تیگیشلی دیر و مملکتده تینچلیک تأمینلنیشی اوچون اورته گه کیلگن فرصتدن فایدهلنیش کیرهک.
آریانا تلویزیونی ده فردین امینی نینگ همکارلری بو خبرنی تصدیقلهگن. اونینگ ایشداشلریدن بیر قطاری نینگ ایتیشلریچه، فردین امینی نابیللی شکلده اولدیریلگن.
ایچکی ایشلر وزیرلیگی بو خبرنی تصدیقلب اعلام قیلیشیچه، بیرینچی معلومات اساسیده آریانا نیوز نینگ خبرچیسی فردین امینتی خودکشلیک قیلگن.
بوگون (جمعه ۲۱- قوس) ایرتهلب افغانستان تانیقلی یازووچیسی محمداعظم رهنورد زریاب، ۷۶ یاشیده کابل ده عالمدن اوتگن. رهنورد زریاب نیچه پیتدن بویان کسللیگی باعث کسلخانه ده بستر ایکن. جناب زریاب نینگ همکارلریدن بیری لطفالله نجفیزاده بیر توییت آرقهلی اونینگ عالم دن اوتگنی نی تصدیقلب ایتیشیچه، رهنورد زریاب اوتگن هفتهلرده کرونا گه چلینگن ایکن.
مملکتده سونگی بیر آیده ایکی خبرچی اولدیریلگن. بوگون (پنجشنبه ۲۰- قوس) توشدن آلدین جلال آباد شهریده فعالیت قیلهدیگن انعکاس خصوصی تلویزیونی نینگ ایشلاوچیسی خانم ملالی میوند، دفتری تامان کیتهدیگن بیرحالده ناتانیش قوراللی کیشیلر تامانیدن اولدیریلگن.
افغانستان ده هر کون اونلرچه عیال تورلی زوروانلیکلرگه دوچ کیلیشهدی و اوشبو عیاللردن کوپینچهسی یالغیز جیم توریب و باشقه هیچ بیر ایش قیله آلمهیدی.
افغانستان ده عیاللرگه قرشی زوروانلیکلرنی یوق قیلیش اوچون یولگه قوییلگن ۱۶ کونلیک کمپاین یکونلنگن بیرحالده، عیاللرگه قرشی زوروانلیکلر کونسایین کوپهیماقده.
ساغلیک وزیرلیگی نینگ اعلام قیلیشیچه، اوتگن ۲۴ ساعت ده کرونا ویروس گه شبههلی ۱ مینگ و ۴۰۱ واقعه تیکشیریلگن کیم بولردن، ۲۱۳ تهسی ایجابی انیقلنگن و شونینگدیک بو پیتده کرونا گه چلینگن ۱۸ کسل جان بیرگن.
بوگون (پنجشنبه، ۲۰- قوس) خواف – هرات تیمیر یولی افغانستان و ایران اولکهلری نینگ مسؤللری تامانیدن رسمی شکلده آچیلدی. اوشبو تیمیر یول ایکی اولکه آرهسیدهگی بیرینچی تیمیر یول بولیب و هر ییل ۶ میلیون تُن سوداگرلیک توار و ۱ میلیون مسافر جایلشتیریش ظرفیتی گه ایگه بولگن.
بلخ امنیتی مسئوللری نینگ ایتیشلریچه، بو ولایت نینگ شولگره تومنیده یوزبیرگن ترافیکی بیر حادثهده، ۷ کیشی هلاک و باشقه ۲ کیشی یرهلنگن.
بدخشان ولایتی نینگ واخان تومنیده قیش فصلی تیز ییتیب کیلگنی باعث، اوشبو تومن یشاوچیلری زراعتی محصوللرینی توپلشده فرصت قولگه کیلتیره آلمگن.
کابل بلدیه سوزلاوچیسی سمیرا رسا نینگ سلاموطندارگه ایتیشیچه، سوختی موادنی تازهلنتیردهدیگن فلتری نصب قیلمهگن ۵۰۰ دن آرتیق بنا باغلنگن و اولرنینگ ایگهلری ایچکی ایشلر وزیرلیگی نینگ جنایی تدقیقات بولیمی تامانیدن قولگه آلینیشی ممکن.
خانم کروخی نینگ ایتیشیچه، مملکتده اداری فساد کوپهیگنی باعث، یشاوچیلر یمان وضعیت گه قرارتاپگن، لیکن حکومت نینگ یوقاری مرتبهلی رسمیلری خلق نینگ وضعیتی نی توشونمهی، خوشگذرانلیک قیلهدیلر.
ننگرهار محلی مسئوللری نینگ ایتیشلریچه، انعکاس خصوصی تلویزیونی نینگ خبرچیسی ملالی میوند ناتانیش قوراللیلر آرقهلی اولدیریلگن. شونینگدیک مذکور حادثهده اونینگ هیداوچیسی طاهر هم هلاک ایتیلگن.
اداری فسادگه قرشیکورهشنی نظارت و تیکشیریش قوشمه ایرکین کمیته مسؤللری نینگ ایتیشلریچه، حکومت اوشبو کمیتهنی باغلش گه قرار آلگن.
اوشبو کمیته باشلیغی میوند روحانی نینگ ایتیشیچه، جاری میلادی ییل اداغی گچه «میک» کمیتهسی حکومت تامانیدن باغلنیشی ممکن.
بوگون (چهارشنبه ۱۹- قوس) جمهورلیک ریاست ایکینچی اورین باسری سرور دانش فسادگه قرشی کورهش خلقارا کونی نینگ نشانلش مراسمیده ایتیشیچه، سونگی ۵ ییلده حکومت نینگ فسادگه قرشی کورهش خصوصیده ییترلیچه یوتوقی بولمهگن.
