بلخ امنیتی مسئوللری نینگ ایتیش‌لریچه، بو ولایت نینگ شولگره تومنیده یوزبیرگن ترافیکی بیر حادثه‌ده، ۷ کیشی هلاک و باشقه ۲ کیشی یره‌لنگن.
بلخ پولیسی سوزلاوچیسی عادل‌شاه عادل نینگ سلام‌وطندارگه ایتیشیچه، مذکور حادثه اوتگن کون (چهارشنبه ۱۹- قوس) کیچ قورون شولگره تومنی نینگ «حلقه جر» قیشلاغیده یوک تاشووچی و یولاوچی تاشووچی ایکی موتر نینگ توقنه‌شیشی باعث یوزبیرگن.
بلخ پولیسی سوزلاوچیسی گه کوره، جان بیرگنلر آره‌سیده ۳ عیال و بیر باله شامل دیر.
بلخ پولیسی سوزلاوچیسی نینگ کوپه‌یتیریشیچه، اوشبو حادثه حقیده یوک تاشووچی موترنینگ هیداوچیسی قولگه آلینگن.
