پنجشیرنینگ تورلی تومنلریده، قریب ۱۵ جریب ییر نمایشی قطعهلر شکلده قطارلب بوغدای ایکیشگه اجرهتیلگن. مذکور اقدام اوشبو ولایت ایکینچیلیک، سووغاریش و چاروهچیلیک ریاستی آرقهلی ستندرد ایکیش اصوللری رواجلنیشی و حاصل کوپهیشی مقصد عملگه آشیریلگن.
بیرلشگن ملتلر تشکیلاتینینگ اوی-جای دستوری افغانستان بولیمیگه کوره، جاری میلادی ییل جنوری آییدن بویان اوشبو مملکتنینگ قریب ۱۴ مینگ یشاوچیسی، سوو تاشقینلردن تاثیرلنگن.
بدخشان ولایتی شهر بزرگ تومنی آلتین کانیده اوچ کانچینینگ جسدینی قیدیریش، اوچ کوندن بیری دوام ایمتاقده بیراق هنوزگچه نتیجه بیرمهگن. ۲۰ حمل/۹ اپریل، پنجشنبه کونی توشدن کیین، بدخشان شهر بزرگ تومنیده آلتین کانی قولهدی و اونینگ نتیجهسیده اوچ کانچی توپراق آستیده قالدی و اولرنینگ جسدی هنوزگچه چیقریلمهگن.
بدخشان ولایتی شهربزرگ تومنیده زرشویلیک ایشخانه سوو آستیده قالگنی عاقبتیده، بیرقطار ایشچیلر سوو و ویرانهلر آستیده قالگن.
اسلام امیرلیگی طبیعی آفتلر گه قرشی کورهش ملی اداره، ۶ حملدن حاضرگچه مملکت تورلی حدودلریده کوچلی یاغینگرچیلیک، سوو تاشقینی، چقماق، ییر سیلجیشی و یشش اویلر قولشی نتیجهسیده ۱۵۷ کیشی اولگنینی بیلدیردی.
قندوز ده دهقانلردن قطارینینگ سلاموطندار گه ایتیشلریچه، اقلیم اوزگریشلری و کیمیایی کودلردن دایمی شکلده فایدهلنیش، زراعتنینگ عنعنوی اصوللرینی قیینچیلیک بیلن روپهره قیلگن. قندوز دهگی دهقانلردن بیری سهرابنینگ ایتیشیچه، اوتمیشگه قرهگنده سونگی ییللر ییرلرینینگ حاصل بیریشی کمهیگن.
کابل شهری ۱۳-ناحیهسیده بیر کونلیک کوچت ایکیش کمپاینی، بوگون (۱۹-حمل، چهارشنبه)، بلدیه مسئوللری و محل یشاوچیلری حضوری بیلن باشلنگن.
ننگرهار محلی مسئوللرینینگ سلاموطندار گه بیرگن معلوماتلریگه کوره، سونگی اوچ کون ایچیده بو ولایت مرکزی و بیرقطار تومنلریده اویلرنینگ تامی قولشی نتیجهسیده، چمهسی ۲۳ کیشی «شهید» بولگن. بو واقعهلر، جلالآباد شهری، خوگیانی، پچیراگام، اسپینغر، شیرزاد و هسکه مینه تومنلریده یوز بیرگن. اوشبو واقعهلر نتیجهسیده، کمیده ۱۳ کیشی یرهلنگن.
هر ییلی کوکلم موسومی ییتیب کیلیشی بیلن، مملکتنینگ بیر قطار بولیملری اینیقسه کابل شهریده کوچت و گللرنینگ ساتیلیش بازاری رواجلنهدی. پایتخت یشاوچیلریدن قطاری قیزیقیش بیلن یشیللیک، گوزهللیک و یشش محیط یخشیلنیشی مقصد حویلی و حویلیلریدن تشقریگه کوچت و گل ایکهدیلر.
کنر ولایتی یشاوچیسی و تورت بالهنینگ آنهسی بولگن ۳۳ یاشر سادیهگه کوره، قریب تورت ییل آلدین اوز اوییده گل ایکیشگه باشلهگن. اونینگ ایتیشیچه، باشده بیر قطار قیینچیلیکلر بیلن روپهره بولگن؛ لیکن سعیوحرکت بیلن بو ایشده موفق بوله آلهگن. اونینگ کوپهیتیریشیچه، عیاللر اویده ایشلب و بیران نرسه تولید قیلیشلری ممکن که، هم قیشلاقلر همده شهرلرده کوپینچه مشتریسی بار.
ترانسپورت و هوا یوللری وزیرلیگینینگ هواشناسلیک ریاستی ایرته (۱۷ حمل، دوشنبه)، نورستان ولایتیدن باشقه مملکت ۳۳ ولایتیده احتمالی کوچلی یامغیر یاغیب و چقماق همده بوران یوز بیریشینی بیلدیردی.
اسلام امیرلیگی طبیعی آفتلر گه قرشی کورهش ملی اداره مسئوللری، ۶ حمل کونیدن حاضرگه قدر سوو تاشقینلری و باشقه طبیعی آفتلر نتیجهسیده، ۷۷ کیشی اولیب و ۱۳۷ کیشی یرهلنگنینی معلوم قیلدیلر. مذکور اداره سوزلاوچیسی یوسف حماد گه کوره، اوشبو واقعهلرده اوچ مینگ ۴۶۶ یشش اوی بوتونلی یا کی قسمی شکلده بوزیلگن و ۱۱ مینگ ۶۷۶ ایکینچیلیک ییر سوو آستیده قالگن.
اسلام امیرلیگی سوزلاوچیسی ذبیحالله مجاهد، مملکت ۲۵ ولایتیده یاغینگرچیلیک و سوو تاشقینلری عاقبتیده ۶۱ کیشی اولیب و ۱۱۶ کیشی یرهلنگنینی بیلدیردی. مجاهد، بوگون (۱۵ حمل/۴ اپریل، شنبه) ایکس صحیفهسیده بیر بیانیه ترقهتیب سونگی ۷ کون ایچیده یوز بیرگن سوو تاشقینلری نتیجهسیده ۴ کیشی یوقالگنینی یازگن.
اسلام امیرلیگی ساغلیقنی سقلش وزیرلیگی، اوتگن کیچهدهگی زلزله عاقبتیده کابلده بیر یشش اوی قولهگنینی بیلدیردی.
سرپرست حکومت ترانسپورت و هوا یوللری وزیرلیگینینگ هواشناسلیک ریاستی، بوگون و ایرته (۱۵-حمل، شنبه)، مملکت ۳۱ ولایتیده یاغینگرچیلیک و سوو تاشقینی یوز بیریشیدن خبر بیرگن.
سونگی ییللرده، غزنی استه-سیکین اقلیم اوزگریشلری تاثیری آستیده قالیب و سوو تاشقینلری یوز بیریشی کوپهیشی، اوشبو ولایت مرکزی و تومنلریده کوپینچه عایلهگه زیان ییتیشتیرگن. مرکز حدودلریده «غیب قلندر، شهرک حکیم سنایی، خیرآباد، دهخدیداد، پیرزاده، قلعهی امیر محمدخان و توحیدآباد» منطقهلری همده تومنلرنینگ اَیریم بولیملری، نیچه مرته هلاکتلی سوو تاشقینلرگه گواه بولگن دیر.
