هرات ده یشاوچیلردن قطاری، اوشبو ولایتده یاوای طبیعتنینگ تورلیخیل تورلری کمهیب باره یاتگنیدن خواطر بیلدیریب و ایتیشلریچه، اوتگن ییللرده مذکور ولایتنینگ تومنلریدن قطاریده تورلیخیل حیوانلر کوزگه کوریلگنی بیرحالده، بیراق حاضر ایسه حددن تشقی آولش، اقلیم اوزگریشلری و کیتمه-کیت قورغاقچیلیک سبب، یاوای طبیعت تورلریدن بویوک قسمی اورتهدن کیتیب یا-ده اوزاق منطقهلرگه مهاجرت قیلگن.
بنگلهدیشده کییم-کیچک ایشخانهسیده صادر بولگن یانغین عاقبتیده چمهسی ۱۶ کیشی هلاک بولگن و رسمیلر واقعه طفیلی اولگنلر سانی آشیشی حقیده آگاهلنتیرگن.
ونزویلا رسمیلرینینگ اعلام قیلیشیچه، اوشبو مملکت جنوبشرقیسیده جایلشگن آلتین کانینینگ قولهشی عاقبتیده، کمیده ۱۴ کیشی هلاک بولگن.
پسته، بادغیس ولایتینینگ اینگ اونملی اقتصادی و ایکینچیلیک محصوللریدن بولیب، مینگلرچه عایله پسته باغلرینی یرهتیش، طبیعی اورمانلردن فایدهلنیش و بو محصولنی ساتیش بیلن حیات خرهجتلرینی تامینلهیدیلر. لیکن بادغیس یشاوچیلرینینگ ایتیشلریچه، سونگی ییللرده یاغینگرچیلیکلر کمهیشی و اقلیم اوزگریشلری سبب…
هندوستاننینگ «هیماچال پرادش» ایالتیده محلی رسمیلرنینگ اعلام قیلیشیچه، ییر سیلجیشی طفیلی بیر اوتوبوسنینگ تاش-توپراق آستیده قالگنی نتیجهسیده، ۱۵ کیشی اولگن.
بدخشان ولایتی واخان تومنی یشاوچیلریدن قطاری، یاوای حیوانلرنینگ ناقانونی آولنیشیدن خواطر بیلدیریب و ایتیشلریچه، مملکتنینگ ایکینچی ملی پارکی، نایاب حیوانلر انقراضی بیلن روپهره دیر.
تخار ده سوو تنقیصلیگی انقراضی دوامی بیلن، اوشبو منطقهنینگ اصلی زراعتی محصوللریدن حسابلنهدیگن شالی ایکینی، بو ییل جدی شکلده کمهیگن. تخار دهگی دهقانلر، شالی ایکینینینگ قریب یریمگه ییتیگنینی بیان قیلیب و ایتیشلریچه، سوو تنقیصلیگی، یاغینگرچیلیک کمهیگنی و اقلیم اوزگریشلری شالی ایکیلیشی پروسهسینی تاثیر آستیده قوییب و بو وضعیتنینگ اقتصادی و اطراف-محیط عاقبتیلری، خواطرلرنی کوپهیتیرگن.
بدخشان ولایتی نوآباد قیشلاغی یشاوچیلریدن پروینگلنینگ ایتیشیچه، ۱۶ ییلدن بیری تورموش اورتاغی بیلن ایکینچیلیک ساحهسیده فعالیت قیلهدی. پروینگل ایکینزارده ایشلش یانیده اوییده چاروه باقیش بیلن عایله نیازلرینی تامینلهیدی.
تایوانده کوچلی طوفان عاقبتیده کمیده ۱۴ کیشی هلاک بولیب و ۱۲۰ دن آرتیق آدم یوقالدی.
پروان ولایتی اوزاق قیشلاقلریدهگی دهقانلرنینگ ایتیشلریچه، ایکینچیلیک ماشینلردن فایدهلنیش ییرنینگ تیارلنیش سرعتینی نیچه برابر کوپهیتیرگن. اوتمیشده، بیر قطعه ییرنینگ هیدهش کونلر دوام قیلیب، عمومی حشر و گروهی ایشلش ضرور ایدی؛ سیگیرلر میدان گه کیلتیریلیب و دهقانلر ایسه کوپ محنت بیلن کیسکلرنی توپراققه ایلنتیرر ایدی.
پکتیا سوو و انرژی ریاستیده مسئوللرنینگ ایتیشلریچه، قوشمه بیر کمیته توزهتیب، ایکینچیلیک ییرلرینی سووغاریش اوچون دهقانلرنینگ قطرهای سووغاریش تیزیمیدن فایدهلنیشگه تشویش قیلگنلر. اولرگه کوره، قطرهای سووغاریش تیزیمی، سوونینگ حددن تشقری صرفلنیشی آلدی آلینیشیگه علاوه، اقلیم اوزگریشلری تاثیرلرینینگ کمهیشیگه هم سبب بولهدی.
اسلام امیرلیگی مسئوللری، کنرده یوز بیرگن زلزله عاقبتیده حاضرگه قدر بیر مینگ ۴۵۷ کیشی هلاک بولیب و باشقه اوچ مینگ ۳۹۴ کیشی یرهلنگنیدن خبر بیردیلر. اسلام امیرلیگی سۉزلاوچیسینینگ اورین باسری حمدالله فطرت، بوگون (۱۲-سبنله، سهشنبه) ایکس صحیفهسیده بیر بیانیه ترقهتیب بو حقده خبر بیرگن.
بیرلشگن ملتلر تشکیلاتینینگ آزیق-آوقت دستوری گه کوره، افغانستاننینگ شرقی حدودلریده زلزله یوز بیرگن قیشلاقلر بیلن، ییر تیگیس بولمسلیگی سببلی علاقه اوزیلگن. اوشبو اداره، بوگون (۱۲-سنبله، چهارشنبه) ایکس صحیفهسیده زلزله یوز بیرگن قیشلاقلرنینگ یوللری توسیلیشی سببلی، زلزله جبر دیدهلری قیین احوال گه قالیب و انسان سیورلیک یاردملردن فایدهلنه آلمسلیککه سبب بولگنینی یازگن.
اسلام امیرلیگی مسئوللری، کنرده یوز بیرگن زلزله طفیلی قربان بولگنلر رقمی بیر مینگ ۴۱۱ کیشی گه آشگنیدن خبر بیرگنلر.
کنرده یوز بیرگن زلزله عاقبتیده حاضرگه قدر ۲۵۰ کیشی هلاک بولیب و باشقه ۵۰۰ کیشی یرهلنگن. کنر طبیعی آفتلرنی باشقریش ادارهسی گه کوره، ۹-سنبله، یکشنبهدن دوشنبه گه اوتر کیچه، مملکتنینگ تورلی حدودلری اینیقسه کنرده یوز بیرگن زلزلهده حاضرگچه ۲۵۰ کیشی هلاک بولیب و باشقه ۵۰۰ کیشی یرهلنگن.
اروپا اتفاقینینگ افغانستاندهگی نمایندهلیگی، اوشبو مملکت اینیقسه کابلده سوو آزلیگیدن خواطر بیلدیرگن.
