سرپل ولایتی صیاد تومنیده یشاوچیلر و دهقانلردن قطارینینگ سلاموطندار گه ایتیشلریچه، کیتمه-کیت قوروقچیلیکلر اولرنینگ ایکینچیلیک حاصللریگه جدی شکلده زیان ییتیشتیرگن. اولرگه کوره، اقلیم اوزگریشلری و سوو تنقیصلیگی، اوسیملیک آفتلری کوپهیشیگه سبب بولگن.
ایچکی ایشلر وزیرلیگی، کابل شهری مندویده صادر بولگن یانغینده دکاندارلر گه قریب ۷۰۰ مینگ دالر ضرر یېتکزگنینی بیلدیردی. اوشبو وزیرلیک، بوگون (۳۰-قوس/۲۱ دسمبر، یکشنبه) ایکس صحیفهسیده بیر بیانیه ترقهتیب بو حقده خبر بیردی. بیانیه گه کوره، واقعه برق شارت قیلیشی طفیلی صادر بولگن و قریب ۱۵۰ میلیون افغانی توار قوتقریلگن.
غزهده قیش باشلنگنیدن حاضرگچه، ساووق باعث ۴ باله شامل چمهسی ۱۷ فلسطینلیک اۉز جانلرینی قولدن بیرگن.
جاری قویاش ییل ۱۲-عقرب مملکت شمالیده یوز بیرگن زلزله، سرپل ولایتی اینیقسه الجهاد تومنیده سوو منبعلرینی جدی شکلده بحران بیلن روپهره قیلگن. الجهاد تومنی یشاوچیلریدن قطارینینگ ایتیشلریچه، بوندن آلدین ایچیملیک و ایکینچیلیک اوچون فایدهلنیلهدیگن «کنده» اسملی سوو ذخیرهلری زلزله نتیجهسیده خراب بولگن.
سمنگان ولایتی حضرتسلطان تومنی، خُلم و فیروزنخچیر تومنلریدن کیین، جاری قویاش ییل ۱۲-عقربده یوز بیرگن زلزله نتیجهسیده اینگ کوپ زیان کورگن.
سرپل ولایتی صیاد تومنیده کیتمه-کیت قوروقچیلیک، ییللردن بویان ایکینچیلیک و چاروهچیلیک یولیدن درآمد قولگه کیلتیرهدیگن یوزلب عایلهنی، جدی قیینچیلیکلر بیلن روپهره قیلگن.
کنر ده یوز بیرگن سونگی زلزله، بو ولایتده جانی تلفات و اویلرنینگ کینگ کولملی شکلده خراب بولیشیگه سبب بولگنی یانیده، طبیعی منبعلر، اقتصادی آستقورمهلر و یشش محیطگه جدی و نیچه قتلملی زیانلرنی ییتیشتیرگن.
بیرلشگن ملتلر تشکیلاتی اوی-جای دستورینینگ آگاهلنتیریشیچه، تیزلیک بیلن شهرده یشش رواجلنیشی و هوا اوزگریشلری، افغانستان فرهنگی میراثینی خوف آستیگه قویهدی.
کوچلی بورانلر، یاغینگرچیلیک و بنالر قولهشی عاقبتیده، فلسطینلیک آواره عایلهلر اولیم خوفی آستیده قالیب و یالغیز اوتگن بیر کیچهوکوندوزده ۱۴ کیشی قربان بولگن.
بلخ ولایتی شولگره تومنیده جایلشگن تورلی قیشلاقلر یشاوچیلریدن قطارینینگ سلاموطندارگه ایتیشلریچه، قوروقچیلیک دوامی و زلزله طفیلی ییتیشگن زیانلر حیات کیچیریشنی اولرگه قیینلشتیرگن. مذکور یشاوچیلرگه کوره، سوو تنقیصلیگی و اویلری ویران بولگنی، اولرنی ایکی بحران بیلن روپهره قیلگن.
بلخ ولایتی مارمل تومنیده دایمی قورغاقچیلیک، ییللردن بیری اوشبو ولایت اهالیسی اوچون تیریکچیلیک بوییچه اصلی قیینچیلیکلرگه اوزگریب و کون اوتیشی بیلن اونینگ زیان ییتیشتیریش ساحهسی کوچهیماقده. مذکور تومن یشاوچیلرینینگ ایتیشلریچه، بو قیینچیلیک نهفقط ایکینچیلیک ییرلرینی قوریتگن، بلکیم قیشلاق اقتصادینینگ اساسی بولیملرینی هم ایشدن چیقریب و اهالینینگ کوچیش، کمبغللیک و قیینچیلیکلر آستیگه قویگن.
ینگیلیکده ایراندن سمنگان گه قیتگن عایلهلر، هنوز آوارهلیک هاردیقینی چیقرمهگچ، زلزله یشش اویلرینی ویرانه گه ایلنتیریب و ېنه بیر بار اوی-جایسیز قیلگن.
بو ییل کوچلی یاغینگرچیلیکلر و کیتمهکیت موسومی بوران، آسیا جنوبینینگ تورلی بولیملریده سوو تاشقینلرگه سبب بولیب و بیر هفته ایچیده، کمیده بیر مینگ ۲۰۰ کیشی قربان بولگن.
سمنگان ولایتی خُلم تومنیدهگی یشاوچیلر و دهقانلردن قطاری، قوروقچیلیک و سوو تنقیصلیگیدن خواطر بیلدیریب و ایتیشلریچه، قوروقچیلیک نهفقط انار باغلری و میوهلر، بلکیم بو منطقه اهالیسینینگ اقتصادیگه هم تاثیر قویگن.
اندونیزیا، تایلند و سریلانکا عملدارلری، اوشبو مملکتلرده سوو تاشقینلری و ییر سیلجیشی عاقبتیده اولگنلر سانی ۹۰۰ دن آرتیب و یوزلب کیشی یوقالگنینی ایتگنلر.
۱۲-عقرب ده یوز بیرگن زلزله، بلخ ولایتی مارمل تومنی «خراسان و پشت باغچه» تومنلریده جایلشگن بیر تاغنینگ قویی قسملریده کوچلی سیلجیش و تاشلر توکیلیشیگه سبب بولگن که خواطرلنتیرووچی بو واقعه، ینه تاغدن تاش-توپراقلر توشیشی همده اویلر و علاقه یوللرگه زیان ییتیشیشی احتمالینی آشیرگن. محل یشاوچیلرینینگ ایتیشلریچه، سونگی زلزلهده کمیده ۲۰ یشش اوی ویران بولیب و حاضر ایسه قیش موسومی ییتیب کیلیشی و یاغینگرچیلیک احتمالی بیلن باشقه ۲۰۰ گه یقین اوی هم تاغ سیلجیشی طفیلی توغری تهدید آستیده قرار تاپگن.
