افغانستان ایرکین میدیالریدن حمایت قیلووچی نهاد یا-ده نی، طالبان گروهیدن تینچاهالی اینیقسه خبرچیلر و رسانه فعاللریگه قرشی هجوملرنی توختهتیش نی سورهگن.
افغانستان ایرکین میدیالریدن حمایت قیلووچی نهاد بوگون (دوشنبه ۱۶- حمل) بیر خبرنامه ترقهتیش بیلن انسان حقلری ایرکین کمیسیونی نینگ اعلامیهسیگه اشاره قیلگن…
قطار منبعلرنینگ رسانهلرگه ایتیشلریچه، قندهار پولیس قومندانی تادین خان استعفا قیلگن. مذکور منبعلرگه کوره، تادین خان نینگ استعفانامهسی اوچ آی آلدین ارایه ایتیلگن ایکن، بیراق ایچکی ایشلر وزیرلیگی نینگ سابق وزیری محمدمسعود اندرابی اونینگ استعفاسیگه قرشی کیلگن ایکن.
استانبول تینچلیک ییغینی عرفهسیده بوگون کابل ده افغانستان ۷ تانیقلی حزبی، سیاسی بیر کمیته ایجاد ایتیش بیلن مذکور ییغین توغریسیده اوز موضعلرینی اعلام قیلیشگن. مذکور کمیته اعضالری نینگ ایتیشلریچه، خاص حلقهلردن قطاری تورلی بهانهلر بیلن تینچلیک پروسهسی برابریده قیینچلیک یرهتیش اوچون حرکت قیلماقده.
هلمند محلی مسئوللری بو ولایتده ماین پارتلهشی عاقبتیده ۵ کیشی نینگ جان بیرگنیدن خبر بیرگن. هلمند حاکمی سوزلاوچیسی عمر زواک نینگ ایتیشیچه، مذکور حادثه بوگون (جمعه ۱۳- حمل) ایرتهلب تینچاهالی مینیلگن بیر موتر یول چیککهسیده جایلشتیریلگن ماین گه دوچ کیلیشی بیلن مذکور ولایت مرکزی لشکرگاه شهریده یوزبیرگن.
گلبدین حکمتیار رهبرلیگیده اسلامی حزب طرفدارلریدن قطاری بوگون (جمعه ۱۳- حمل) ینه بیر مرته کابل ده ناراضلیک نمایش یولگه قوییشگن. اولرنینگ ایتیشلریچه، حکومت اسلامی حزب بیلن امضالنگن تینچلیک کیلیشوونامهسینی عملی قیلمهی و مذکور حزب محبوسلرینی دولت قماقخانهلریدن قوییب یوبارمهگن.
بغلان پولیسی سوزلاوچیسی احمدجاوید بشارت نینگ ایتیشیچه، اوتگن کون (پنجشنبه ۱۲- حمل) بغلان مرکزی پلخمری شهریده بو ولایت پولیسی نینگ خاص قطعه قومندانی شریفالله خوستی طالبان بیلن اوتکزگن آتیشمه نتیجهسیده جان بیرگن. اونگه کوره، شونینگدیک مذکور آتیشمهده طالبان گروهی گه هم تلفات ییتیشگن.
بوگون (پنجشنبه ۱۲- حمل) انسان حقلری نی کوزهتووچی تشکیلاتی تامانیدن نشر قیلینگن ینگی گزارش ده کیلیشیچه، دوحهده افغانستانلیکلرارا تینچلیک سوزلشوولری باشلنگنیدن کیین افغانستان بویلب خبرچیلرگه قرشی هجوملر کوپهیگن و بو ایش تینچلیک پروسهسیده سوز ایرکینلیگی و رسانه ایرکینلیگی سقلهنیشی توغریسیده خواطرلرنی کوپهیتیرگن.
انرژی خذمتلرینی تنظیم قیلهدیگن اداره مسئوللری نینگ ایتیشلریچه، بدخشان نینگ شورابک برق بندی نی ایشی یکونلنگن و تیزلیککه فایدهلنیش گه تاپشیریلیشی گه قرار قیلینگن.
تخار ولایتی بوییچه ساغلیقنی سقلش ریاستی مسووللری نینگ ایتیشلریچه، پارتلش ماده تخار ولایتی بوییچه عالملر کینگشی باشلیغی مولوی عبدالصمد محمدی نینگ موتریگه جایلشتیریلگن ایکن و جناب محمدی هلاک ایتیلگن. ساغلیقنی سقلش ریاستی مسووللری نینگ کوپهیتیریشلریچه، اوشبو واقعهده مولوی عبدالصمد محمدی نینگ همراهلریدن 3 تهسی یرهلنگن.
ننگرهار ولایتیدن دولتی بیر منبع نینگ ایتیشیچه، بوگون “سهشنبه” ایرتهلب ساعت 10 ده 3 ایملاوچی عیال اوشبو ولایت مرکزی جلالآباد شهریده ناتانیش قوراللی کیشیلر تامانیدن اوققه توتیلگن.
منبع نینگ کیملیگی سیرقالیشنی ایستهب سلاموطندارگه ایتیشیچه، مذکور ایملاوچی عیاللر بالهلرنی ایملش بیلن مصروف بولگن بیر حالده، ایکی فرقلی واقعهده هدف آستیگه قرار بیریلگن.
ایچکی ایشلر وزیرلیگی نینگ ایتیشیچه، ننگرهار نینگ تورخم منطقهسیده بیر عیال نی کلتکلهگن پولیس دایمی شکلده تیزیم دن چیقاریلگن.
ایچکی ایشلر وزیرلیگی طارق آرین بوگون (یکشنبه ۸- حمل) توییتر صحیفهسیده بو موضوع نی شریک قیلگن. جناب آرین مذکور عسکر دن وهاب ناملی ایسلب ایتیشیچه، ایچکی ایشلر وزیرلیگی بیر عیال بیر پولیس آرقهلی کلتکلنگن جریانیدن آلینگن ویدیو نی تیکشیرگن.
بوگون “پنجشنبه” ننگرهار حاکمی ضیاالحق امرخیل نینگ بو ولایتده خبری بیر ییغین اوتکزیب ایتیشیچه، ابوسعید اعظم گه تانیلگن حضرت علی باشقه ایکی کیشی بیلن بیرلیکده اوشبو ولایت نینگ اچین تومنیدن قولگه آلینگن.
بغلان ولایتیدن امنیتی و محلی منبعلرنینگ سلاموطندارگه ایتیشلریچه، اوتگن کونی اوشبو ولایت نینگ دهنهغوری تومنیده یوز بیرگن پارتلشده 5 پولیس هلاک ایتیلگن.
منبع نینگ ایتیشیچه، طالبان جنگریلری دهنهغوری تومنیده امنیتی پوستهلر اوستیگه هجوم قیلگن، بیراق کمکی کوچلر محلگه بارهدیگن پیتده، جاده چیککهسیده جایلشتیریلگن ماین بیلن دوچ کیلیب نتیجهده 5 پولیس هلاک و باشقه 6 پولیس یرهلنگن.
تشقی ایشلر وزیرلیگی، ایران و ترکیه چیگرهسیده هواساووقلیگی و بوران باعث ۴ افغان جان بیرگنی نی تصدیقلهدی.
مذکور وزیرلیک نینگ ایتیشیچه، ینگیلیکده رسانهلر آرقهلی نشر ایتیلگن خبرلر و صورتلرنینگ کورستیشیچه، افغانستان یشاوچیلریدن قطاری ایران و ترکیه چیگرهسیده ساووق هوا و بوران گه بند قالگن.
جمهوررئيس بیرینچی اورینباسری امرالله صالح، میدان وردک نینگ بهسود تومنیده بیر هلیکوپتر قوللب توشگنی عاقبتیده ۵ حربی و ۴ خدمه هلاک ایتیلگنی نی آچیق بیر جنایت دیب و مذکور حادثه عامللری جزالنتیریلیشی اوستیگه اورغولهگن.
صالح گه کوره، مملکت هوایی کوچلری نینگ بیر هلیکوپتری علیپور نینگ جنگریلری آرقهلی هجوم گه آلینگن کیچهسی، بهسود گه هیچ قندهی حربی عملیات اویوشتیریلیشی گه قرار قیلینمهگن ایکن.
مملکت تشقی ایشلر وزیرلیگی نینگ ایتیشیچه، تشقی ایشلر وزیری محمدحنیف اتمر، بیر هیأت ییتکچیلیگیده بوگون هند کیتگن.
بوگون مذکور وزیرلیک تامانیدن نشر قیلینگن بیر خبرنامهده کیلیشیچه، جناب اتمر مذکور سفر ده ایکی تامان علاقهلری کینگهیشی، افغانستان تینچلیگی توغریسیده منطقوی و خلقارا اجماع کوچلهنیشی، ریجهلنگن جرملر و ترورچیلیککه قرشی قوشمه کورهش خصوصیده بحث و صحبت اوتکزیشلری ممکن.
