ایچکی ایشلر وزیرلیگی نینگ ایتیشیچه، ننگرهار نینگ تورخم منطقه‌سیده بیر عیال نی کلتکله‌گن پولیس دایمی شکلده تیزیم دن چیقاریلگن.
ایچکی ایشلر وزیرلیگی طارق آرین بوگون (یکشنبه ۸- حمل) توییتر صحیفه‌سیده بو موضوع نی شریک قیلگن. جناب آرین مذکور عسکر دن وهاب ناملی ایسلب ایتیشیچه، ایچکی ایشلر وزیرلیگی بیر عیال بیر پولیس آرقه‌لی کلتکلنگن جریانیدن آلینگن ویدیو نی تیکشیرگن.
ایچکی ایشلر وزیرلیگی گه کوره، تیکشیروو دن کیین بو پولیس جزالنتیریلیش گه علاوه، ابدی شکلده تیزیم دن چیقاریلگن.
بوندن آلدین نشر ایتیلگن ویدیو، بیر عسکر بیر عیال نی شلاق بیلن کلتکله‌شی نی کورسته‌دی. بو ویدیو قچان آلینگنی بیللی ایمس، بیراق اونینگ محلی تورخم چیگره‌سی دیر. شونینگدیک طارق آرین بو ویدیو اوتگن ییل گه تیگیشلی بولگنی نی ایتگن ایدی.
بو ویدیو کوپینچه عکس‌العمل‌لرگه روپه‌رو بولدی. طارق آرین نینگ یازیشیچه: «عیال نی اوستیگه قول کوتاریش طالبان فرهنگی دیر و بو ایش نی قیلگن هر کیم ترورچی دیر.»
عین حالده، قطر ده طالبان سیاسی دفتری سوزلاوچیسی محمد نعیم هم بو ویدیو گه عکس‌العمل کورستدی. جناب نعیم توییتری ده بو ویدیو نی نشر قیلیش بیلن یازیشیچه: «انسانیت و عیال حقلری قییرگه دیر؟»
