افغانستان ۲۰ یاشنی تولدیرمهگن فوتبال ملی تیرمه جماعهسی، کافا ۲۰۲۶ ییل تورنمنتیده هیچ بیر مسابقهده غلبه قازانه آلمهی و اویینلریگه یکون یسهدی.
مملکت ملی اویینچیلری، اوشبو تورنمنتده تورکمنستان، اوزبیکستان، تاجیکستان گه بای بیریب و بوگون (۲۷ ثور/۱۷ می، یکشنبه) سونگی اویینیده قرغیزستان بیلن مساوی گه تن بیردی.
افغانستان تورکمنستان برابریده ۳-۱، اوزبیکستان برابریده ۲-۰، تاجیکستان برابریده هم ۲-۰ حسابی بیلن بای بیردی و فقط قرغیزستان برابریده ۰-۰ حسابی بیلن مساوی گه تن بیردی.
افغانستان اوشبو تورنمنتده ۷ ته گل ییب و فقط تورکمنستان برابریده ۱ گل اوریش گه اولگوردی.
افغانستان کافا ۲۰۲۶ ییل ۲۰ یاشنی تولدیرمهگن تورنمنتده ریتینگ آخریده و فقط بیر امتیاز بیلن اویینلریگه یکون یسهدی.
کافا ۲۰۲۶ ییل ۲۰ یاشنی تولدیرمهگن تورنمنت، بیش جماعه اشتراکی و تاجیکستان میزبانلیگی بیلن اوتکزیلماقده.
