شنبه کونی، ۶-عقرب، اسلام امیرلیگی سوزلاوچیلری تشقی ایشلر وزیرلیگی سرپرستی امیرخان متقی نینگ تورکیه گه سفر قیلگنیدن خبر بیرگنلر؛ اوشبو سفر دن مقصد اسلام امیرلیگی و تورکیه آرهسیده ایکی تامانلمه مناسبتلرنی مستحکملش عنوان قیلینگن.
اوشبو گزارش نی یازگونچه امیرخان متقی تورکیه رسمیلری دن هیچ بیری بیلن اوچرهشمهگن؛ بیراق ایش بیلرمانلر نینگ ایشانچی گه کوره، افغانستان و تورکیه آرهسیدهگی نیازمندلیکلر باعث، انقره افغانستان اسلام امیرلیگی حکومتی بیلن بعضی ساحهلرده همکارلیک قیلیش اوچون سعیوحرکت قیلماقده دیر.
بیزلرنینگ فیسبوک صحیفهمیزگه باش اورینگ!
خلقارا مناسبتلر ایش بیلرمانی محموداضطرابی نینگ سلاموطندار گه ایتیشیچه: «ایکی مملکت آرهسیده نیازمندلیکلر باعث مناسبتلرینی مستحکملش اوچون تلاش قیلماقدهلر، تورکیه اوز مناسبتی اوچون بوندن آرتیق کوته آلمهیدی غرب نیمه قیلهدی و افغانستان حکومتی نی قچان تن آلهدی.»
سیاسی و خلقارا مناسبتلر ایش بیلرمانلری گه کوره، افغانستان سرپرست حکومتی دنیا همجمعیت تامانیدن تن آلینیشی اوچون ملی و خلقارا طلبلر گه تن بیریشی کیرهک.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان همایون خیری نینگ ایتیشیچه: «بو سفر نی ایریم نتیجهلری بولیشی طبیعی دیر، افغانستان بیلن تورکیه حکومتی نینگ خارجی سیاستلرینی بو مملکت تعیین قیلهدی، بیراق رسمی و نا رسمی بیر حکومت بیلن مناسبت فرقلی دیر و تورکیه بعضی نیازمندلیکلر باعث مناسبتینی مستحکملش مقصدیده سعیوحرکت قیلماقده.»
ایتیش کیرهک، تورکیه حاضر افغانستان سابق حکومتی نینگ مهم سیاسی سیمالری دن بیرقطاری نینگ میزبانی دیر و اسلام امیرلیگی تشقی ایشلر وزیرلیگی سرپرستی امیرخان متقی، اوشبو سیمالر بیلن اوچرهشووی حقیده حاضرگچه ایضاح کیریتیلمهگن.