بامیان یشاوچیلریدن اونلرچه‌سی، بوگون توش‌دن آلدین اوشبو ولایت نینگ مرکزی‌ده ناراضی‌لیک نمایش یولگه قوییب و اوشبو مملکت نینگ آمریکا قوشمه ایالت‌لری تامانیدن توسیلگن پول‌لری آزاد ایتیلیشینی طلب قیلدیلر.
بامیان‌لیک اعتراضچیلر، «آمریکا شرم قیل، ملت پولینی آزاد قیل» کبی اوشبو مملکت گه قرشی شعار بیریب ایتیشلریچه، آمریکا تامانیدن مملکت سرمایه‌سی موزله‌تیلیشی اولکه بویلب قشاق‌لیک و کمبغل‌لیک کوپه‌لیشی گه سبب بولگن. اولر نینگ ایشانچی گه کوره، اوشبو پول‌لر تیزلیک بیلن آزاد ایتیلمه‌گن تقدیرده، مملکت بویلب انسانی فاجعه یوز بیریشی ممکن.
بامیان ناگران‌لر اتفاقی مسئولی و اوشبو همایش تشکیلاتچیلریدن سید عبدالرازق دانش نینگ ایتیشیچه، بو ولایت یشاوچیلری اینیقسه ناگران‌لر و اوروش طفیلی قربان بولگن‌لر نینگ عایله‌لری آمریکا دولتی‌دن، تیزلیک بیلن افغانستان نینگ سرمایه‌لرینی آزاد قیلیب و اولکه گه قیتیریش‌نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
اونگه کوره، آمریکا تامانیدن افغانستان مرکزی بانکی نینگ پول‌لری توسیلیشی باعث ناگران‌لر و مملکتده‌گی جنگ قربانی‌لری نینگ عایله اعضالری کوپراق نقصان کورگن‌لر.
او نینگ ایتیشیچه: «بیز آمریکا دولتی‌دن، مملکت سرمایه‌سینی تالان-تاراج قیلمه‌ی و بو پول‌لرنی آزاد قیلیب مملکت گه قیتیریش‌نی ایسته‌یمیز. حاضرگی حاکم نظام‌دن هم ایسته‌یمیز که اوشبو سرمایه‌لردن فایده‌لنیب، ناگران‌لر و شهیدلر عایله‌لری نینگ حقوقی‌نی توللب و قشاق‌لیک و آچرچیلیک کبی باشقه قیینچیلیک لرگه دقت قیلیش لرینی سوره‌یمیز.»
اعتراضچیلردن محمدعلی و گل‌بخت نینگ ایتیشلریچه، جوبایدن ییتکچیلیگیده آمریکا دولتی، افغانستان نینگ توسیلگن پول‌لرینی آزاد قیلیب و اوشبو پول‌لرنی ۱۱سپتامبر هجوم‌لری قربانی‌لری نینگ عایله‌لری گه بیریلمسلیگینی سوره‌یدیلر؛ چونکه افغانستان فقرالری مذکور هجوم‌لر اویوشتیریلیشیده عیبلری یوق.
بیزلرنینگ توییترده هم تعقیب قیلینگ!
بامیان‌لیک اعتراضچیلر، نمایش‌لری یکونیده اوچ ماده‌لیک قطع‌نامه صادر قیلیب بیرلشگن ملت‌لرتشکیلاتی‌دن، آمریکانی افغانستان پول‌لرینی آزاد قیلیش گه راضی قیلیشینی سوره‌گن‌لر. اوشبو قطع‌نامه نینگ اوچینچی ماده‌سیده کیلیشیچه، یاردم بیروچی تشکیلات‌لر و بشر حقوقی، حاضرگی قیین شرایط‌ده ناگران‌لر و اوروش قربانی‌لری نینگ عایله‌لری بیلن همکارلیک قیلیش‌لری کیره‌ک.
ایتیش کیره‌ک، اسلامی امارت حاکمیت گه ایریشگنیدن کیین، جوبایدن ییتکچیلیگیده آمریکا دولتی، مملکت نینگ قریب ۱۰میلیارد سرمایه‌سینی اوز بانک لریده موزله‌تدی و تخمیناً ایکی هفته آلدین بایدن امضاله‌گن بیر فرمانیده اوشبو پول‌لردن ۳.۵میلیاردنی ۱۱سپتامبر قربانی‌لری نینگ عایله‌لری گه تاوان توللش و ۳.۵میلیاردینی افغانستان گه انسان پرورلیک یاردم‌لر اوچون اجره‌تدی. آمریکا جمهور باشلیغی نینگ بو ایشی ایچکی و تشقی ایریم عکس‌العمل‌لر گه روپه‌رو بولدی.