بامیان ولایتی‌ده محلی منبع‌لر نینگ ایتیش‌لریچه، بوگون (چهارشنبه ۱۸-جوزا) بامیان امنیه قومندانلیگی نینگ پاسپورت مدیری مولوی عتیق، اداری فساد و ایش صلاحیتی‌دن ناتوغری شکلده قوللنیش عیبی بیلن، اوشبو ولایت خوفسیزلیک مدیریتلیگی تامانیدن قولگه آلینگن.
منبع‌لر گه کوره، مولوی عتیق غندک تومنی نینگ یشاوچیسی و اوشبو ولایت امنیه قومندانی صدیق‌الله شاهین مسافر نینگ یقین‌داشلریدن دیر.
بیزلرنینگ توییترده هم تعقیب قیلینگ!
بیراق بامیان امنیه قومندانلیگی سوزلاوچیسی محمد‌خوانی رسا، بوتوغریده هیچ بیر نرسه دیمه‌گن.
شونینگدیک بامیان خوفسیزلیک مدیریتلیگی نینگ فکری نی آلیشنی ایسته‌دیک؛ بیراق کیتمه_کیت قونغیراغ‌لر بیلن موفق بولمه‌دیک.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، بوندن آلدین اوشبو ولایت امنیه قومندانی مولوی صدیق‌الله شاهین مسافر نینگ یقین‌داشلریدن بیری بامیان مخدره ماده گه قرشی کوره‌ش ریاست رئیسی قاری عبدالفتاح هم هیروئین ساتیش عیبی بیلن، بامیان حاکمی ملا عبدالله سرحدی تامانیدن قولگه آلینیب و ایشی‌دن چیتلنتیریلگن.
