بلخ امنیتی مسئوللری، اوشبو ولایت ده بیر عایله نینگ ۷ اعضاسی اولدیریلگنیدن خبر بیره‌دیلر.
بلخ امنیه قوماندان‌لیگی سوزلاوچیسی محمدآصف وزیری نینگ ایتیشیچه، اوشبو واقعه جمعه کیچه، ۱۴ دلو، بلخ ولایتی چمتال تومنی «جرقلعه» قیشلاغیده یوز بیرگن.
بیزلرنینگ فیسبوک صحیفه‌میزگه باش اورینگ!
بلخ امنیه قوماندان‌لیگی سوزلاوچیسی نینگ کوپه‌یتیریشیچه، مذکور واقعه ده عیاللر و باله‌لر شامل بیر عایله نینگ ۷ اعضاسی، اوز اوی‌لریده نامعلوم شکلده اوققه توتیلیب اولدیریلگنلر.
محمدآصف وزیری گه کوره، اوشبو واقعه سببی حاضرگچه بیللی ایمس؛ بیراق واقعه نی انیق شکلده تیکشیریش مقصدیده خوفسیزلیک کوچلر محل گه یوللنگنلر.
ینگی‌لیکده، ایچکی ایشلر وزیرلیگی مسئوللری، سونگی بیر ییل ده مملکت بویلب ۱۵۹۱ واقعه یوز بیرگنیدن خبر بیرگن.
بیزلرنینگ توییترده هم تعقیب قیلینگ!
مذکور وزیرلیک مسئوللری نینگ ایتیشلریچه، اوشبو واقعه‌لر گه دایر ۱۸۰۰ کیشی حبس گه آلینگن و حجت‌لری تیکشیریلیشیدن کیین عدلی و قضایی نهادلر گه تاپشیریلگن.
