بدخشان ولایتیده «نورالهدا» اسملی ۱۵ یاشر بیر یاش ییگیت خودکش‌لیک قیلگن. مذکور یاش ییگیت قرینداش‌لری نینگ سلام‌وطندار گه ایتیشلریچه، او شنبه کونی، ۸ دلو، ایرته‌لب بدخشان مرکزی فیض‌آباد شهری ده، مرگ موش ییب حیاتی گه نقطه قویگن.
اوشبو یاش ییگیت عایله اعضالری بدخشان ولایتی یاوان تومنی اصلی یشاوچیلری دیر؛ بیراق نیچه ییل دن بویان فیض‌آباد شهری ده تیریکچیلیک قیلیب کیلماقده‌لر. مذکور یاش ییگیت قرینداش‌لری نینگ معلوماتی اساسیده، نورالهدا درون‌گرا و آرام بیر باله بولیب و سبب‌سیز اوز جانیگه قصد قیلگن.
بیزلرنینگ فیسبوک صحیفه‌میزگه باش اورینگ!
نورالهدا قرینداش‌لری گه کوره، او سونگی کون‌لرده بهشت و آخرت حقیده ایشیتگن نرسه‌لر حقیده اویلر ایکن. نورالهدا خودکش‌لیک قیلیشیدن آلدین آته‌وآنه‌سی عنوانیده یازگن خطی ده ایتیشیچه: «بو دنیا دن یوره‌گیم بوتکول تویگن.»
او اوشبو وصیت‌نامه ده آته‌وآنه‌سیدن کیچیریم سوره‌ب و او حقیده یخشی دعا قیلیش‌لرینی طلب قیلگن. شونینگدیک نورالهدا آته‌سی گه خطاب یازیشیچه: «میندن بیران یامان‌لیک و یامان سوز ایشیتگن بولسنگیز، التماس کیچیرینگ و مین سیزنینگ دعانگیز امیدی گه خودکش‌لیک قیلگن‌من.»
مذکور یاش ییگیت قرینداش‌لری نینگ کوپه‌یتیریشیچه، نورالهدا اونینچی صنف اوقووچیسی بولیب و دینی مدرسه گه هم بارر ایکن.
بیزلرنینگ توییترده هم تعقیب قیلینگ!
ایتیش کیره‌ک که، سونگی کون‌لرده مملکت نینگ قطار ولایت‌لریده خودکش‌لیک قیلیش واقعه‌لری کوپه‌یگن، اوتگن کون بلخ و ارزگان ده ایکی کیشی حیات‌لری گه نقطه قویگن ایدی.
