بلخ ولایتی محلی مسئوللری، اوشبو ولایت نینگ اوزومی بیرینچی مرته «حیرتان سوداگرلیک بندری» آرقهلی روسیه گه صادر بولگنیدن خبر بیرگنلر.
بلخ ولایتی سوداگرلیک و سرمایه یاتقیزیش اتاقی مسئولی اسدالله اسدی نینگ ایتیشیچه، ایکی مینگ کارتن ده جایلشتیریلگن مذکور ولایت نینگ تازه اوزوملری، شنبه کونی، ۲۸ اسد، روسیه گه صادر بولگن.
بیزلرنینگ فیسبوک صحیفهمیزگه باش اورینگ!
اسدی جنابلری گه کوره، محب سادات لمتید ترانسپورتی شرکتی موترلری گه یوکلنگن اوشبو اوزوم، اوزبیکستان یولی آرقهلی روسیه گه صادر بولگن.
بلخ ولایتی سوداگرلیک و سرمایه یاتقیزیش اتاقی مسئولی، مملکت اوزومی روسیه گه صادر ایتیلیشیدن خورسندلیک قیلیب و منطقه اولکهلری گه صادرات نی آشیریش اوچون قولیلیک یرهتیلگنینی معلوم قیلهدی.
سونگی آیلرده قوشنی، منطقه و دنیا مملکتلری گه افغانستان نینگ تورلی محصولاتی صادراتی کوپهیگن دیدی، اسدالله اسدی.
بیزلرنینگ توییترده هم تعقیب قیلینگ!
او نینگ ایشانچی گه کوره، یقین کونلرده حیرتان سوداگرلیک بندری آرقهلی انار، آلمه و باشقه ایکینچیلیک محصولاتلر نینگ صادرات جریانی باشلهنیشی ممکن.
ایتیش کیرهک که، اوشبو ییل نینگ ۳۰ سرطانی ده، پامیر کولا شرکتی نینگ انار سوولری بیرینچی یوکی، هرات بندری آرقهلی امریکا قوشمه ایالتلری گه صادر بولگن ایدی.