بدخشان ده ییگیت‌لردن قطاری اوشبو ولایت‌ده ایش زمینه‌سی یوقلیگی‌دن شکایت قیلیب و سرپرست حکومت‌دن اولر گه ایش زمینه‌سی یره‌تیلیشی نی ایستهگنلر.
بدخشان یشاوچیسی و اقتصاد فاکولته‌سی نی بیتیرگن ییگیت‌لردن بیری عبدالرحمان بدخشی نینگ ایتیشیچه، ایش تاپیش اوچون دولتی و خصوصی دفترلر گه بارگن؛ لیکن حاضرگچه ایش تاپه آلمه‌گن.
اونینگ کوپه‌یتیریشیچه: «موضوع شو که تانیشی‌میز یوق. سیناو پروسه‌سی شفاف ایمس هر کیم اره‌لشه‌دی. شو بولیم‌دن اوزاق بولگن کیشیلر اره‌لشه‌دی. کوپ جای گه باریب و سیناو هم بیردیم و یوقاری نمره هم آلدیم، لیکن آز نمره آلگن و تانیشی بولگن کیشیلر کامیاب بولیب و بیزلر ناکام بولدیک.»
بیزلرنینگ «ایکس» ترماغی ده هم تعقیب قیلینگ!
شونینگدیک بدخشان ده عبدالرحمان کبی باشقه بیر قطار ییگیت هم شونگه اوخشش قیین‌چیلیک بیلن روپه‌ره بولیب و اولردن برچه‌سی ایش زمینه‌سی یره‌تیلیشی نی ایستهگنلر.
بدخشان ده‌گی ییگیت‌لردن باشقه بیری سفرعلی نینگ ایتیشیچه، ییگیتلر گه ایش زمینه‌سی یره‌تیلمه‌گنی تقدیرده، تحصیل قیلگن ییگیت‌لردن کوپ قطاری مملکت نی ترک قیلیب یا-ده ایش‌سیزلیک کوپه‌یشی سبب مخدره ماده گه چلینیشلری ممکن.
او سرپرست حکومت‌دن ایش‌سیز ییگیتلر گه ایش زمینه‌سی یره‌تیلیشی نی ایسته‌‌گن. «حکومت‌دن ییگیتلر گه ایش زمینه‌سی یره‌تیلیشی نی ایسته‌یمیز. بیزلر افغانستان یشاوچیسی‌میز، باشقه بیر ولایت یا-ده باشقه تومن‌دن ایمس. بو منطقه‌ده‌گی ییگیت‌لردن کوپینچه باشقه مملکت‌لر گه مهاجرت قیلگن و تشقی مملکت‌لرده هم یا معتاد بوله‌دیلر که عاملی ایش‌سیزلیک دیر.»
مذکور ییگیتلر نینگ کوپه‌یتیریشلریچه، بیلیم یورت‌ده تورلی بولیم‌لرده درس اوقیب و مهارتلری بولگنی بیلن، لیکن هیچ بیر دولتی و خصوصی اداره‌لرده اولر گه ایش بیریلمه‌‌گن.
شونده‌ی بیرحالده، بدخشان ولایتی ایش و اجتماعی ایشلر ریاستی مسئوللری نینگ ایتیشلریچه، بو ولایت‌ده ایش‌سیزلیک سطحی قویی کیلگن و اسلام امیرلیگی ایش‌سیز ییگیتلر گه ایش زمینه‌سی نی یره‌تیش اوچون سعی‌وحرکت قیلماقده.
بدخشان ایش و اجتماعی ایشلر ریاستی باشلیغی خیرمحمد صفدر نینگ سلام‌وطندار گه ایتیشیچه، مذکور ریاست تحصیل کورگن ییگیتلر گه ایش زمینه‌سی نی یره‌تیش گه قرار آلگن.
بیزلرنینگ فیسبوک صحیفه‌میزگه باش اورینگ!
جناب صفدر نینگ کوپه‌یتیریشیچه: «بدخشان ایش و اجتماعی ایشلر وزیلریگی ۱۰۰ کیشی‌لیک مسلک بولیم‌لری اوچون مکتوب یوبارگن و بست‌لر نی اعلان گه قویگن‌میز که ۱۰۰ کیشی نی ایش گه قویسک که مسلک بولیم‌لری جمله‌دن موبایل نی ترمیم‌لش بولیم‌ده ۲۵ کیشی، تیکووچیلیک بولیمی‌ده ۲۵ کیشی، موتر نی ترمیم‌لش بولیمی‌ده ۲۵ کیشی و کمپیوتر بولیمی‌ده ۲۵ کیشی. ییگیتلر گه کوپراق ایش زمینه‌سی نی یره‌تیش اوچون سعی‌وحرکت قیله‌میز.»
اوشبو ولایت ایش و اجتماعی ایشلر ریاستی مسئوللری نینگ اورغولب ایتیشلریچه، یقین کیله‌جک‌ده ییگیتلر آره‌سیده ایش‌سیزلیک قیین‌چیلیگی کمه‌یشی اوچون سعی‌وحرکت قیلماقده‌لر.
ایتیش کیره‌ک که، اوتمیش‌ده هم بدخشان ولایتی‌ده ییگیت‌لردن قطاری ایش‌سیزلیک‌دن شکایت قیلیب و حکومت آرقه‌لی بو قیین‌چیلیک حل بولینیشی نی ایستهگنلر.
