بدخشان معلومات و مدنیت ریاست مسئوللری، اوشبو ولایت ده «صدای بانوان» رادیوسی بیر هفته نشراتینی توخته‌تیش دن کیین، ایشیتتیریشینی قیته باشله‌گنیدن خبر بیره‌دیلر.
بدخشان معلومات و مدنیت باشلیغی معزالدین احمدی نینگ ایتیشیچه، مذکور میدیا مسئولی اسلام امیرلیگی قانون_قاعده‌لرینی رعایت قیلیش وعده‌سینی بیرگندن کیین، اوشبو رادیو گه بدخشان معلومات و مدنیت ریاستی تامانیدن فعالیت قیلیش رخصتی بیریلگن.
بیزلرنینگ فیسبوک صحیفه‌میزگه باش اورینگ!
عین‌حالده، بدخشان ده صدای بانوان رادیوسی مسئولی ناجیه سروش گه کوره، مذکور رادیو بوگون (پنجشنبه، ۱۷ حمل) بامداد چاغی، اسلام امیرلیگی قانون_قاعده‌لرینی رعایت قیلیش و بدخشان ده میدیالرنی قوللب_قوتلش نهادلر همکارلیگی بیلن، قیته ایشیتتیریشینی باشله‌گن.
صدای بانوان رادیوسی مسئولی نینگ کوپه‌یتیریشیچه، مذکور رادیو نینگ نشراتی بیر هفته آلدین، معلومات و مدنیت وزیرلیگی نینگ نشراتی قاعده‌لری بیر ایشلاوچیسی تامانیدن رعایت ایتیلمسلیگی، رمضان ده قوشیق نشر قیلیش و عیاللر اورنیده ایرکک‌لر نینگ فعالیتی باعث، توخته‌تیلگن ایدی.
بیزلرنینگ توییترده هم تعقیب قیلینگ!
بدخشان ده صدای بانوان رادیوسی، اسلام امیرلیگی حاکمیتیدن کیین ۸۹.۹ اف‌ام، تولقینی ده قیته دن ایشیتتیریشینی باشله‌گن بیرینچی رادیو دیر. اوشبو رادیو بدخشان ده سلام‌وطندار بیلن همکار رادیو‌لردن سنله‌دی.
