سلام‌وطندار بیلن صحبت اوتکزگن «صدای بانوان» رادیوسی مسئولی نجلا شیرزاد، مذکور رادیو بدخشان معلومات و مدنیت ریاستی مسئوللری تامانیدن یاپیلگنینی تصدیقله‌گن. خانم شیرزاد گه کوره، اولر هیچ قنده‌ی موسیقه نشر قیلمه‌گن و یاپیلیش دلیلینی بیلمه‌یدیلر.
او نینگ کوپه‌یتیریشیچه، سونگی کونلرده مذکور ولایت ده تعلیم دن محروم قالگن‌لر نینگ یاشیرینچ صنف‌لری حقیده گزارش نشر قیلیشگن. اونگه کوره، بدخشان معلومات و مدنیت ریاستی مسئوللری اوشبو گزارش‌لری سبب صدای بانوان رادیوسی ایشیگینی یاپگن‌لیگی ممکن.
بیزلرنینگ فیسبوک صحیفه‌میزگه باش اورینگ!
عین‌حالده، بدخشان معلومات ومدنیت باشلیغی معزالدین احمدی، اوشبو خبرنی تصدیقلب سلام‌وطندار گه ایتیشیچه، صدای بانوان رادیوسینی اسلام امیرلیگی قانون_قاعده‌لری گه قرشی عمل قیلگنی باعث یاپگنلر. او نینگ کوپه‌یتیریشیچه، مذکور رادیو مقدس رمضان آیی ده موسیقه و شونینگدیک موسیقه‌سی بولگن نعت و ترانه‌لرنی نشر قیلگن.
بدخشان معلومات و مدنیت باشلیغی گه کوره: «میدیالر تیکشیریلیشیدن کیین، صدای بانوان رادیوسی اسلام امیرلیگی قاعده‌لری گه قرشی نشراتی بولگن‌لیگی باعث اونی یاپدیک.»
بیزلرنینگ توییترده هم تعقیب قیلینگ!
بدخشان ده صدای بانوان رادیوسی، اسلام امیرلیگی حاکمیتیدن کیین ۸۹.۹ اف‌ام تولقینیده قیته دن فعالیت گه باشله‌گن ایدی. اوشبو رادیو بدخشان ده سلام‌وطندار رادیوسی بیلن همکار رادیولردن سنله‌دی.
