بیرلشگن عرب امیرلیکلریده افغانستان ایلچیخانهسی اوچون ینگی سرپرست تانیشتیریلگنی و اوشبو مملکت تامانیدن قبول‌لنیشی‌دن کیین، خلق‌ارا حقوق بیلرمان‌لریدن قطاری نینگ ایتیشلریچه، مملکت‌لر تامانیدن اسلام امیرلیگی نماینده‌لری گه افغانستان ایلچیخانهسی نینگ تاپشیریلیشی، اوشبو حکومت نینگ رسمیت گه تانیلیشی نی کورسته‌دی.
خلق‌ارا حقوق بیلرمان‌لریدن خوشحال جواد نینگ ایتیشیچه، اسلام امیرلیگی گه مملکت‌لر تامانیدن افغانستان ایلچیخانهسی نینگ تاپشیریلیشی و بیر-بیری نینگ ایلچی‌لرینی قبول قیلیش، مملکت‌لر تامانیدن اسلام امیرلیگی نینگ رسمیت گه تانیش دیر. اونگه کوره، خلق‌ارا حقوق قاعده-قانونی گه قره‌گنده، باشقه مملکت‌لر تامانیدن بیر مملکت نینگ رسمیت گه تانیلیشی، نیچه رقم صورت تاپه‌دی.
بیزلرنینگ فیسبوک صحیفه‌میزگه باش اورینگ!
مذکور خلق‌ارا حقوق بیلرمانی نینگ کوپه‌یتیریشیچه: «بیر قطار مملکت‌لر مستقیم و بیر اعلامیه ترقه‌تیش بیلن مملکت نینگ رسمیت گه تانیلگنی نی اعلام قیله‌دی؛ بیراق بیر قطار مملکت ایسه ضمنی و حکمی شکلده، ایلچی‌خانه یا-ده اونینگ ایلچی‌سی نی قبول قیلیش یولی آرقه‌لی، مملکت نی رسمیت گه تانیدی. دبی ده اسلام امیرلیگی ایلچی‌سی نینگ قبول‌لنیشی هم بو رقم دیر.»
شونینگدیک خلق‌ارا حقوق بیلرمان‌لریدن باشقه بیری احمد‌نشاط کلیوال نینگ ایتیشیچه، مملکت‌لر تامانیدن اسلام امیرلیگی ایلچی‌لری نینگ قبول‌لنیشی، اسلام امیرلیگی سیاسی رابطه‌لری نینگ رواجلنیشی و اونینگ مملکت‌لر بیلن تعامل قیلیشی زمینه‌سی نی یره‌ته‌دی. اونینگ کوپه‌یتیریشیچه: «بو موضوع ایکی تامان‌لمه رابطه‌لر نینگ برقرار‌لنیشی بولیمی‌ده جوده‌یم فایده‌لی دیر و اسلام امیرلیگی فایده‌سی گه بولیشی ممکن. چونکه مملکت‌لر بیر بیری بیلن دیپلماتیک رابطه‌لری بولیشی گه نیازلری بار و اسلام امیرلیگی هم باشقه مملکت‌لر بیلن رسمی رابطه‌سی بولیشی گه نیازی بار.»
ینگی‌لیکده اسلام امیرلیگی، بیرلشگن عرب امیرلیکلریده افغانستان ایلچیخانهسی سرپرستی صفتیده بدرالدین حقانی نی تانیتیب و اونینگ قبول‌لنیشی نی افغانستان و بیرلشگن عرب امیرلیکلری آره‌سیده‌گی رابطه‌لرده اونملی آدیم عنوان قیلگن.
بیزلرنینگ «ایکس» ترماغی ده هم تعقیب قیلینگ!
باشقه بیر تامان‌دن، اسلام امیرلیگی سوزلاوچیسی ذبیح‌الله مجاهد نینگ ایتیشیچه، بیرلشگن عرب امیرلیکلری بیلن افغانستان سرپرست حکومتی نینگ تعاملی، یخشی بولماقده و اسلام امیرلیگی باشقه مملکت‌لر بیلن هم سیاسی تعامل قیلیش‌ده سعی و حرکت قیلماقده.
مجاهد نینگ کوپه‌یتیریشیچه: «بیرلشگن عرب امیرلیکلری بیلن تعامل، یخشی بولماقده. ان‌شاءالله کیله‌جک‌لرده برچه مملکت‌لر بیلن کینگ رابطه‌لریمیز بولیشی ممکن و بو توغریده تشقی ایشلر وزیرلیگی یوتوق‌لری نینگ دوامی بار.»
اوتگن ایکی ییل‌ده گرچند هیچ بیر مملکت اسلام امیرلیگی نی بیللی بیر شکلده رسمیت گه تانیمه‌گن، بیراق نیچه مملکت جمله‌دن قطر، پاکستان، ایران، چین، روسیه و بیرلشگن عرب امیرلیکلری ، افغانستان نینگ سیاسی نماینده‌لری نی اسلام امیرلیگی نماینده‌لری گه تاپشیرگنلر.
