اسلام امیرلیگی باش وزیری اقتصادی اورینباسری ملاعبدالغنی برادر، اوزبیکستان باشوزیری اورینباسری جمشید خواجهیف بیلن اوچرهشگنیده، ایکی مملکت آرهسیده اقتصادی، تجارتی، سرمایه یاتقیزیش و ترانزیتی همکارلیکلر کوچهیشی حقیده صحبت قیلگن.
اسلام امیرلیگی باش وزیری اقتصادی اورینباسرلیگینینگ بیر بیانیه ترقهتیش بیلن اعلام قیلیشیچه، برادر جنابلری اوشبو اوچرهشووده کابل و تاشکینت آرهسیده علاقهلر برقرارلیگی و رواجلنیشینی ایکی مملکت اقتصادی منفعتلری تامینلنیشیگه علاوه شونینگدیک منطقه برقرارلیگی اوچون هم مهم دیگن.
بیانیه اساسیده، اسلام امیرلیگی باش وزیری اقتصادی اورینباسری اوزبیکستان گه افغانستان صادراتی توارلری یوکلنگن واسطهلرنینگ باریب-کیلیشی برابریدهگی بار توسیقلر حل بولیشیگه تاکیدلب و اونینگ ایکی مملکت اورتهسیده تجارتی، اقتصادی و ترانزیتی همکارلیکلر کوچهیشی و قولیلنیشی اوچون ضرور دیب اتهگن.
شونینگدیک او، چین، مرکزی آسیا و روسیه دن وارد بولهدیگن افغانستان ترانزیتی توارلریگه امتیاز بیریلیشنی سورهب و افغانستاننینگ ایکینچیلیک محصوللری، قوروق و تازه میوهلری، آزیق-آوقت و کانلرینینگ مرکزی آسیا، روسیه و چین بازارلریگه صادراتی اوچون اوزبیکستان آرقهلی ینهده کوپراق امکانیتلر یرهتیلیشیگه تاکیدلهگن.
