روسیه نینگ افغانستان ایشلری بوییچه مخصوص نماینده‌سی ضمیر کابلوف نینگ ایتیشیچه، مسکو اسلامی امارت سرپرست حکومتینی رسمیت گه تانیشی ممکن و بو توغریده آمریکا و باشقه مملکت‌لردن پیروی‌لیک قیلمه‌یدی.
آناتولی آژانسی گه کوره، جناب کابلوف (سه‌شنبه، ۲۴ جوزا) روسیه دولتی تلویزیونی بیلن اوتکزگن صحبتیده بونده‌ی بیانات بیرگن.
بیزلرنینگ فیسبوک صحیفه‌میزگه باش اورینگ!
روسیه نینگ افغانستان اوچون مخصوص نماینده ضمیر کابلوف، روسیه تامانیدن اسلامی امارت سرپرست حکومتی رسمیت گه تانیلیشی خصوصیده ایتیشیچه: «بونده‌ی احتمال موجود. شرایط روسیه جمهور باشلیغی و تشقی ایشلر وزیری تامانیدن تعینلنگن.»
جناب کابلوف گه کوره، روسیه اسلامی امارت حکومتینی رسمیت گه تانیش اوچون آمریکا و باشقه مملکت‌لردن پیروی‌لیک قیلمه‌یدی.
کابلوف نینگ کوپه‌یتیریشیچه، اسلامی امارت خلق‌ارا قانون_قاعده‌لر خصوصیده روسیه بیلن همکارلیک قیلیش گه تیار دیر.
اسلامی امارت قدرت نی آلیشیدن کیین، روسیه کابل ده ایلچیلیگینی آچگن معدود مملکت‌لردن سنله‌دی. شونینگدیک روسیه افغانستان نینگ مسکوده‌گی ایلچیخانه‌سینی اسلامی امارت دیپلمات‌لری اختیاری گه قرار بیرگن.
ضمیر کابلوف نینگ کوپه‌یتیریشیچه، اسلامی امارت صناعت و سوداگرلیک وزیری نینگ اورین باسری مسکو گه سفر قیلیشی ممکن.
اونگه کوره، افغانستان روسیه دن بعضی محصولات نی خریدارلیک قیلیش اوچون اوشبو مملکت دن درخواست قیلگن و روسیه جمهور باشلیغی ولادیمیر پوتین، افغانستان اوچون محصولات اجره‌تیلیش رخصتینی بیرگن.
بیزلرنینگ توییترده هم تعقیب قیلینگ!
برچه شمول حکومت شکللنیشی، بشر حقوقی اینیقسه خاتین قیزلر حقوقی گه حرمت قیلیش و تروریزم گه قرشی کوره‌ش، اسلامی امارت سرپرست حکومتینی رسمیت گه تانیش اوچون، باشقه مملکت‌لر نینگ شرط لریدن دیر.
عین‌حالده، افغانستان بویلب اسلامی امارت حاکمیت گه ایریشگنیدن ۱۰ آی دن کوپ اوتسه‌ده، لیکن حاضرگه قدر هیچ بیر مملکت تامانیدن رسمیت گه تانیلمه‌گن.
