تورکیه جمهور باشلیغی هییت نمازینی استانبول ده اوقیدی
تورکیه جمهور باشلیغی رجب طیب اردوغان، قربان هییت بیرمی نمازینی استانبول ده جایلشگن «بویوک چاملیجا» مسجدیده اوقیگن.
تورکیه جمهور باشلیغی رجب طیب اردوغان، قربان هییت بیرمی نمازینی استانبول ده جایلشگن «بویوک چاملیجا» مسجدیده اوقیگن.
جوزجان خوفسیزلیک مسئوللرینینگ ایتیشلریچه، جوزجان-سرپل قتناو یولیده یوز بیرگن ترافیکی حادثه نتیجهسیده، بیش کیشی اولیب و تورت کیشی یرهلنگن.
غزنی امنیه قوماندانلیگی مسئوللری، اوشبو ولایت مرکزیده پتاقی ساتیش و پتاقی اوریش عیبی بیلن آلتی کیشینینگ قولگه آلینگنیدن خبر بیرگن.
تخار ولایتیده ۱۰، ۱۱ و ۱۲ صنف «اوزبیک درسلیکلری» اوشبو ولایتنینگ ایریم مکتبلریده ترقهتیلدی. محلی منبعلر سلاموطندار بیلن صحبتده ایتیشلریچه، ۳۰۰۰ نسخهده چاپ قیلینگن بو کتابلر ۱۰-۱۱ و ۱۲ صنف درسلیگی بولیب تخار ولایتینینگ دشتقلعه، ینگیقلعه، خواجه بهاوالدین، خواجهغار و بهارک تومنلری مکتبلریده ترقهتیلگن.
بیرلشگن ملتلر تشکیلاتی انسان پرورلیک یاردملرینی موافقلشتیرووچی تشکیلاتینینگ افغانستان بولیمی (اوچا) ایرلند افغانستان گه اوچ میلیون یورو یاردم بیرگنینی معلوم قیلدی.
سونگی کونلرده قندوز، تخار، بدخشان و بغلان ولایتلریده یوز بیرگن سوو تاشقینلری کینگ کولمده مالیهوی ضرر ییتکزیب و یوزلب عایله حیاتینی قیینچیلیک بیلن روپهره قیلگن. اوشبو طبیعی آفت طفیلی جبرلنگن عایلهلر، یشش اویلری و ایکینچیلیک ییرلری بوزیلیشیگه قوشیمچه، تیز یاردم بیریلمسلیک اولرنی تشویشیگه سبب بولگنینی ایتهدیلر.
اسرائیل باش وزیری بنیامین نتانیاهو کسللیگی سببلی کسلخانه گه یاتقیزیلگن.
جاپان حکومتی ناقانونی مهاجرلر گه قرشی نظارت چارهلرینی کوچهیتیرماقده. خلقارا ییتکرمهلرنینگ خبریگه کوره، جاپان مهاجرلر ادارهسی کیلگوسی ییلگه قدر اجتماعی ترماقلر و آنلاین پلتفرمهلرنی مانیتورینگ قیلووچی مخصوص بولینمه تشکیل ایتیشنی ریجهلشتیرماقده.
اسلام امیرلیگی مدافعه وزیری محمدیعقوب مجاهد، خلقارا امنیتی ییغیلیشده اشتراک ایتیش اوچون روسیه گه بارگن. مدافعه وزیرلیگی، ۴ جوزا/۲۵ می، دوشنبه کونی ایکس صحیفهسیده بیر بیانیه ترقهتیب مجاهد جنابلری منطقه و دنیا مملکتلرینینگ امنیتی و مدافعه عملدارلری اشتراکی بیلن اوتکزیلیشی ریجهلشتیریلگن ییغیلیشده قتنهشیش اوچون، روسیه گه بارگنینی بیلدیرگن.
نرسه ساتووچیلرنینگ چقیریقلری، سودا ساتیب آلهدیگنلرنینگ گوجوملیگی و ویترینلر قرشیسیگه قویییلگن رنگبه-رنگ کییملر، هییت بیرمی ییتیب کیلیشیدن خبر بیرهدی؛ بیراق بو آرهده، یشاوچیلردن قطاری عایلهلر آرهسیدهگی رقابتچیلیکدن خواطر بیلدیرهدیلر.
اوزبیکستان تامانیدن قربان هییتی مناسبتی بیلن همده افغانستاننینگ سوو تاشقینلریدن جبر کورگن اهالیسینی قوللب-قوتلش مقصدیده انسان پرورلیک یاردمی یوباریلگن. اوشبو یاردملر بوگون (۴ جوزا/۲۵ می، دوشنبه) حیرتان بندریگه ییتیب کیلگن و اوزبیکستان جمهور باشلیغی شوکت میرضیایفنینگ تاپشیریغی اساسیده یوباریلگن.
روسیه جمهور باشلیغی ولادیمیر پوتین قزاقستان گه رسمی دولت تشریفی بیلن بارهدی. قزاقستان جمهورلیک ریاستی مطبوعات خذمتی، بوگون (۴ جوزا/۲۵می، دوشنبه) بیر بیانیه ترقهتیب ولادیمیر پوتین ۲۷-۲۹ می کونلری اوشبو مملکت گه باریشینی بیلدیرگن. معلوم قیلینیشیچه، تشریف قزاقستان جمهور باشلیغی قاسم جومارت توقایف تکلیفی گه بناً عملگه آشیریلهدی.
قرغیزستانده استارلینک اینترنت خذمتی رسماً ایشگه توشدی. کاکتوس میدیا نشری گه کوره، اوشبو مملکتده استارلینک اینترنت خذمتی ۲۳ میدن باشلب ایشگه توشیریلگن. معلوماتلر گه کوره، ایندیلیکده فایدهلنوچیلر استارلینکنینگ رسمی پلتفرمهسی آرقهلی اوز حدودلریده خذمت موجودلیگینی تیکشیریشی همده اینترنت خذمتیگه اولهنیش اوچون عریضه تاپشیریشی ممکن.
اوتگن نیچه ییل جریانیده کیتمه-کیت قوروقچیلیکلر، پکتیا ولایتیده ایکینچیلیک بولیمیگه کینگ کولملی سلبی تاثیرلرنی قوییب، للمی محصوللر کمهیشی همده دهقانلرگه مالی زیانلر ییتیشیشیگه سبب بولگن.
امریکا تشقی ایشلر وزیری مارکو روبیونینگ ایتیشیچه، مملکتی ایران بیلن یخشی کیلیشووگه ایریشهدی یا-ده بو دولتگه نسبت باشقه یول بیلن مناسبت بیلدیرهدی.
اسرائیل، لبنان جنوبیدهگی پهپادی هجوم نتیجهسیده عسکرلریدن بیرینینگ هلاک بولگنینی معلوم قیلگن. اسرائیل اردوسینینگ بوگون گزارش بیریشیچه، بو مملکتنینگ ۱۹ یاشر عسکری اوتگن کونی لبنان ده یوز بیرگن توقنشوولرده هلاک بولگن.