غزنی امنیه قوماندانلیگی مسئوللری، اوشبو ولایت مرکزیده پتاقی ساتیش و پتاقی اوریش عیبی بیلن آلتی کیشینینگ قولگه آلینگنیدن خبر بیرگن.
غزنی امنیه قوماندانلیگی سوزلاوچیسی خالد سرحدینینگ سلاموطندار گه ایتیشیچه، مذکور آلتی کیشی اوتگن کون شام چاغی (۵-جوزا، سهشنبه)، غزنی شهری حدودلریده خوفسیزلیک کوچلری آرقهلی قولگه آلینیب و پتاقیلری ضبط بولگن.
جناب سرحدیگه کوره، خوفسیزلیک کوچلری هیچ بیر کیشی و دکاندار گه پتاقی ساتیش و پتاقی اوریش اوچون رخصت بیرمهیدی.
قربان هییت بیرمی ییتیب کیلیشی بیلن، یاشلر و اوسمیرلر آرقهلی پتاقی اوریلیشی توغریسیده یشاوچیلر خواطرلری کوپهیب و اهالی اسلام امیرلیگی تامانیدن پتاقیدن فایدهلنووچیلر بیلن جدی یاندهشیلیشینی سورهگنلر.
شوندهی بیرحالده، سونگی پیتده اسلام امیرلیگی رهبری آرقهلی هر قندهی پتاقی کیلتیریلیشی تقیقلنگنی اعلام بولگن.
