اسلام امیرلیگی صناعت و سودا وزیرلیگی، اوشبو وزیرلیکنینگ نظارت گروهلری کابل شهری آلتینچی و ییتینچی ناحیهلریدهگی بازارلرنی «پتاقی» ساتیلیشی آلدینی آلیش مقصدیده تکشیرگنینی بیلدیردی.
اوشبو وزیرلیک، بوگون (۱۶ ثور/۶ می، چهارشنبه) ایکس صحیفهسیده بیر بیانیه ترقهتیب، مملکتده پتاقی آلیب کیلینمسلیگی، ساتیلمسلیگی و ایشلب چیقریلمسلیگی و آلدی آلینیشی اوچون کابل شهرینینگ اوشبو حدودلریدهگی بازارلر تیکشیریلگنینی ایتگن.
بیانیه گه کوره، اوشبو تیکشیریش جریانیده دکاندارلر و ساتووچیلرگه آلدیلریدهگی پتاقیلرنی ساتمهی و اولرنی سوداگرلر گه قیتریش بیروغی بیریلگن.
صناعت و سودا وزیرلیگی بیانیهسیده، بازارلردن نظارت قیلیش جریانی دوام تاپیب و بویروغ گه عمل قیلمهگنلر بیلن قانونی یاندهشیلیشی قید ایتیلگن.
بوندن آلدین کابل شهری یشاوچیلریدن قطاری، پتاقی آتیلیشیدن شکایت قیلیب و بعضا اونینگ سیسینی خوفسیزلیک واقعهلر سیسی دیب توشینیشلری همده خواطرلنیشلریگه سبب بولگنینی ایتگن ایدیلر.
