قرغیزستانده استارلینک اینترنت خذمتی رسماً ایشگه توشدی.
کاکتوس میدیا نشری گه کوره، اوشبو مملکتده استارلینک اینترنت خذمتی ۲۳ میدن باشلب ایشگه توشیریلگن.
معلوماتلر گه کوره، ایندیلیکده فایدهلنوچیلر استارلینکنینگ رسمی پلتفرمهسی آرقهلی اوز حدودلریده خذمت موجودلیگینی تیکشیریشی همده اینترنت خذمتیگه اولهنیش اوچون عریضه تاپشیریشی ممکن.
قرغیزستان حکومتی اولراق استارلینک لایحهسینی ایشگه توشیریش جریانی یکونی باسقیچ گه ییتگنینی معلوم قیلگن ایدی. وزیرلر محکمهسی معلوماتیگه کوره، لایحه اوچون برچه ضرور رخصتنامهلر آلینگن، اسپس ایکس کمپنیهسی تامانیدن طلب ایتیلگن تخنیک و حقوقی شرطلر بجریلگن همده وکالتلی دولت ادارهلری بیلن تیگیشلی شرطنامهلر امضالنگن.
رسمیلرنینگ تأکیدلشیچه، استارلینک اینترنتینینگ جاری ایتیلیشی، اینیقسه تاغلی و چیککه حدودلرده یشاوچی اهالینی یوقاری تیزلیکدهگی اینترنت بیلن تأمینلشده مهم اهمیت کسب ایتهدی. بوندن تشقری، مکتبلر، طبیات مسئلهلری و باشقه اجتماعی تأسیساتلر زمانهوی دیجیتال آست قوریلمه گه اولش امکانیتلری کینگیهدی.
استارلینک – اسپس ایکس کمپنیهسی تامانیدن یرهتیلگن جهانی ماهوارهای اینترنت تیزیمی بولیب، ماهواره آرقهلی اینترنت خذمتینی تقدیم ایتهدی. تکنالوژی ساحهسیده آست قوریلمهلری بولمهگن حدودلر اوچون ثمرهلی ییچیم صفتیده کوریلهدی.
ترماق حاضرده دنیانینگ ۱۰۰ دن آرتیق دولتیده فعالیت یوریتماقده. مرکزی آسیاده ایسه استارلینک اینترنتدن بیرینچی بولیب قرغیزستان فایدهلنه باشلهگن، اوندن کیین تاجیکستان هم اوشبو تیزیمنی جاری ایتگن ایدی. قرغیزستان ایسه ایندیلیکده اوشبو تکنالوژیدن رسماً فایدهلنماقده.
