پاکستانی میدیالری مذکور مملکت رسمیلریدن نقل قیلیب گزارش بیریش‌لریچه، آسیا ترقیات بانکی ۱۰ میلیارد دالر‌لیک تاپی پروژه‌سی نینگ مالی حمایتی و اونگه تیگیشلی بوتون فعالیت‌لری نی توخته‌تگن دیر.
پاکستان انترنیشنال نیوز کونده‌لیگی نینگ گزارش بیریشیچه، مذکور مملکت برق وزیرلیگی نینگ ییریک رسمیلریدن بیری اسلام‌آباد‌ده ترکمنستان رسمی‌لری بیلن اوتکزگن سونگی ییغینیده ایتیشیچه، آسیا ترقیات بانکی اسلامی امارت حکومتی نینگ مشروعیتی بولمه‌گنی و اوشبو حکومت نینگ بیرلشگن ملت‌لر تشکیلاتی و بو تشکیلات گه اعضا بولگن مملکت‌لر تامانیدن رسمیت گه تانیلمه‌گنی باعث، مذکور پروژه نینگ تمویلی توخته‌تگن دیر.
بیزلرنینگ فیسبوک صحیفه‌میزگه باش اورینگ!
تاپی پروژه‌سی افغانستان آرقلی ترکمنستان گازی نی هند و پاکستان گه انتقال بیریش دیر که مذکور پروژه نینگ عمده بولیمی افغانستان‌دن اوته‌دی. بوندن آلدین آسیا ترقیات بانکی اوشبو پروژه نینگ هماهنگ قیلووچی و آسان‌لنتیرووچی صفتیده فعالیت قیله‌ر ایدی.
تاپی پروژه‌سی یا-ده ترکمنستان گازی نینگ افغانستان، پاکستان و هند گه انتقال بیریش ایشی، افغانستان وضعیتی باعث توخته‌گن. اقتصادی ایشلری بوییچه پاکستان مرکزی حکومتی نینگ وزیری عمر ایوب خان نینگ تاس خبرگزارلیگی گه ایتیشیچه، مذکور پروژه نینگ ایشی افغانستان وضعیتی تثبیت بولگنیدن کیین، قیته باشلنیشی ممکن.
شونده‌ی بیرحالده، اسلامی امارت تشقی ایشلر وزیرلیگی سرپرستی امیر‌خان متقی و اونینگ همراه هیأتی اوتگن آی ترکمنستان پایتختی عشق‌آباد گه قیلگن سفری‌ده ترکمنستان تشقی ایشلر وزیری و باش‌وزیر اورین‌بارسری رشید مرادوف و اوشبو مملکت رسمیلریدن قطاری بیلن کوریشگن ایدی.
بیزلرنینگ توییترده هم تعقیب قیلینگ!
ایکی تامان آرقلی ترقه‌تیلگن اعلامیه‌ده کیلیشیچه، ایکی مملکت رسمی‌لری ایکی مملکت نینگ فنی تیم‌لری کابل‌ده بیر ییغین یولگه قوییب و تاپی پروژه‌سی و تیمیر یول تمدیدی نی مارچ آییده افتتاح قیلیب و عملی شکلده باشله‌ش گه کیلیشگنلر.
تاپی پروژه‌سی ترکمنستان گازی نی افغانستان آرقلی پاکستان و هند مملکت‌لری گه انتقال بیره‌دی. ترکمنستان، افغانستان، پاکستان و هند مملکت‌لری نینگ ییریک رسمی‌لری تاپی پروژه‌سی نینگ بیتیمی نی ۱۳۹۶-ییل نینگ حوت آییده امضا قیلگن ایدیلر؛ بیراق، اوشبو پروژه نینگ عملی ایشی افغانستان‌ده حاضرگچه باشلنمه‌گن.