بوگون کابل‌ده آسیا ترقیات بانکی پروژه‌لری (ADB) نینگ ایشلاوچیلریدن قطاری، معاش‌لری مذکور نهاد تامانیدن توللنمه‌گنی باعث، یوناما دفتری برابریده اعتراض بیلدیریشگنلر.
مذکور ایشلاوچیلر نینگ ایتیش‌لریچه، اوشبو بانک پروژه‌لری ایشی نینگ ۷۰ فایزی نی تکمیل قیلگنلر، بیراق ۸ آی‌دن بویان اولرنینگ معاش‌لری توللنمه‌گن.
بیزلرنینگ توییترده هم تعقیب قیلینگ!
اعتراض‌چیلر نینگ کوپه‌یتیریش‌لریچه، آسیا ترقیات بانک مسئوللری بیلن نیچه مرته علاقه قورگنلر، بیراق حاضرگچه هیچ بیر جواب قولگه کیلتیرمه‌گنلر. اولر نینگ تاکید قیلیش‌لریچه، یامان اقتصادی وضعیت‌ده حیات کیچیره‌دیلر.
اعتراض‌چیلردن بیری محمد‌آصف محسنی نینگ ایتیشیچه: «بیزلر ۶ الی ۸ آی حقوقی‌میز نی سابق حکومت و حاضرگی حکومت‌ده قولگه کیلتیرمه‌دیک. بو توغریده نیچه مرته بانک دفتری گه ایمیل یوباردیک. بیزلر یامان اقتصادی وضعیت‌ده قرار تاپگن‌میز.»
بیزلرنینگ فیسبوک صحیفه‌میزگه باش اورینگ!
آسیا ترقیات بانکی پروژه‌لر ایشلاوچیلری نینگ بیان قیلیش‌لریچه، معاش‌لری نینگ توللنیشی خصوصیده اولر نینگ ایسته‌کلری گه توجه قیلینمه‌گن صورت‌ده، اعتراض‌لری گه دوام بیریش‌لری ممکن.
شونینگدیک بوندن آلدین، دنیا بانکی و نهادلردن قطاری بیلن ایشله‌گن ایشلاوچیلردن قطاری، معاش‌لری توللنمه‌گنی باعث اعتراض بیلدیرگن ایدیلر.