بوگون (پنجشنبه، ۲۵ حوت) تورکیه پایتختی انقره ده، تورک دولت‌لری تشکیلاتی فوق‌العاده ییغیلیشی بولیب اوته دی.
تورک دولت‌لری تشکیلاتی رهبرلری نینگ ییغیلیشی، تورکیه دولت رهبری رجب طیب اردوغان نینگ میزبان‌لیگیده بولیب اوتیشی ایتیلگن.
بیزلرنینگ فیسبوک صحیفه‌میزگه باش اورینگ!
رجب طیب اردوغان، مذکور تشکیلات گه اعضا اولکه‌لر جمهور باشلیغ‌لری بیلن علیحده اوچره‌شگن.
تورکیه جمهوررئیسی رجب طیب اردوغان، دستلب اوزبیکستان جمهور باشلیغی شوکت میرضیایف بیلن اوچره‌شگن.
شونینگدیک، جناب اردوغان اوشبو ییغیلیش عرفه‌سیده، آذربایجان و قیرغیزستان جمهور باشلیغ‌لری الهام علی‌اوف و صدر جبار اوف بیلن اوچره‌شگن.
بیزلرنینگ توییترده هم تعقیب قیلینگ!
اوشبو اوچره‌شوولرده، مذکور مملکت‌لر نینگ رهبرلری تورکیه ده یوز بیرگن زلزله‌لر سببلی اردوغان گه همدردلیک بیلدیرگنلر. شونینگدیک، بو اوچره‌شوولرده ایکی تامانلمه مناسبت‌لر و منطقه مقیاسیده‌گی مسئله‌لر محاکمه قیلینگن.
مذکور ییغیلیش تورکیه، اوزبیکستان، آذربایجان، قزاقستان و قیرغیزستان دولت رهبرلری نینگ اشتراکی بیلن بولیب اوتیشی کوتیله‌دی.
