افغانستان دهگی عیاللر سیاسی و اجتماعی ساختار‌لرده ایکی دهه نسبی حضور‌دن کیین، اوتگن ییل اسلامی امارت نینگ قدرت گه ایریشگنی بیلن سیاسی و حکومت‌دارلیک صحنه‌سی‌دن چیتلنگنلر.
اسلامی امارت قدرت گه ایریشگنیدن کیین، آلتینچی صنف‌دن یوقاری قیز اوقووچیلر یوزیگه مکتب‌لر نی یاپیب و عیاللر نینگ اقتصادی و اجتماعی فعالیت‌لری خصوصیده ینگی چیکلاو‌لر نی وضع قیلگن دیر.
عین حالده، افغانستان‌ده عیال‌لردن قطاری مملکت نینگ تورلی شهرلریده، اساسی حق‌لری نینگ تامین‌لنیشی و اولر برابریده‌گی چیکلاو‌لر نینگ آلینیشی اوچون اعتراض بیلدیرگنلر؛ بیراق اوشبو اعتراض‌لردن کوپ قطاری یامان رفتار و معترض‌لر نینگ قولگه آلینیشی بیلن، خوفسیزلیک کوچلر آرقه‌لی سرکوب بولگن دیر.
بیزلرنینگ فیسبوک صحیفه‌میزگه باش اورینگ!
ینگی‌لیکده خلق‌ارا کیچیریم تشکیلاتی بیر گزارش ترقه‌تیش بیلن، افغانستان ده عیاللر وضعیتی خصوصیده ایتگن که، اسلامی امارت سرپرست حکومتی عیاللر حیاتی برابریده چیکلاو یره‌تیش بیلن، اولر نینگ جماعه‌دن حذف قیلماقده.
مذکور تشکیلات اوز گزارشی‌ده، اسلامی امارت‌دن عیاللر حقوقی و اولر نینگ آزادلیگی نینگ تامین‌لنیشی نی ایسته‌گن.
خلق‌ارا کیچریم تشکیلاتی گزارشی نینگ بیر بولیمی‌ده کیلگن که: «اسلامی امارت سوز ایرکین‌لیگی و عیاللر و قیزلر حقوقی گه حرمت قایل بولیب و اولر نی حفظ قیلیش بیلن رواجلنتیریش‌لری کیره‌ک. شونینگدیک اسلامی امارت تیزلیککه ایش قیلیش، مدنی و سیاست حرکت‌لر حقی خصوصیده آدیم کوتاریشی کیره‌ک.»
لیکن عیاللر حقوق فعال‌لری، افغانستان ده عیاللر نینگ یامان وضعیتی خصوصیده‌گی اعلامیه‌لر صادر بولیشی و خلق‌ارا تشکیلات‌لر نینگ تکراری خواطرلری نی بی‌فایده بیلیب، بو توغریده دنیا جماعه نینگ عملی اقدام قیلیش‌لری نی ایسته‌گنلر.
عیاللر حقوقی فعال‌لریدن معصومه حسینی نینگ ایتیشیچه: «افغانستان دهگی عیاللر کویپنچه قیین‌چیلیک‌لر گه دوچ کیلگن، بیراق خلق‌ارا تشکیلات حاضرگچه اعلامیه و خواطردن باشقه هیچ بیر ایش قیلمه‌گن. خواطر و اعلامیه‌لر هیچ درد گه یره‌مه‌یدی و حتی اوشبو مورد‌لر حاضرگی حکومت گه بی‌‌ارزش بولگن.»
شونینگدیک عیاللر حقوقی فعال‌لریدن باشقه بیری سوسن خالق‌ار نینگ ایتیشیچه: «اوشبو خواطر بیلدیریش هیچ درد نی درمان قیلمه‌یدی و افغانستان عیال‌لری بیلن همدرد‌لیک بیلدیریش نی ایسته‌گنلری صورت‌ده، خواطر ایمس عمل‌ده ثابت قیلسین‌لر.»
شونده‌ی بیرحالده، انسان حقلرینی کوزه‌تووچی تشکیلاتی نینگ عیاللر بولیمی مسئولی هیدربار نینگ سلام‌وطندار گه ایتیشیچه، بیرلشگن ملت‌لر تشکیلاتی نینگ انسان حق‌لری، افغانستان ده عیاللر نینگ انسانی حق‌لری تامین‌لنیشی اوچون قناعت‌بخش اقدام‌لر نی قولگه آلمه‌گن.
بیزلرنینگ توییترده هم تعقیب قیلینگ!
او، افغانستان ده عیاللر وضعیتی نی خواطرلنتیرووچی دیب و اوشبو مملکت‌ده‌گی عیاللر وضعیتی یخشی‌لنیشی اوچون کوپینچه اقدام قیلیش‌لری نی ایسته‌گن.
هیدربار نینگ کوپه‌یتیریشیچه: «انسان حقوقی کینگشی نینگ ییغینی ایرته یکون‌لنه‌دی، بیراق اوشبو کینگش افغانستان خصوصیده هیچ بیر اونملی ایش انجام بیرمه‌گن و بلکیم بیر قطار قرار‌لر نی آلیب و ریچارد بنت نینگ خاص گزارشی نینگ مسئولیتی نی کوپراق قیلیب و اونینگ تیمی اختیاری گه کوپراق منبع‌لر نی قرار بیریشی ممکن، لیکن اوندن کوپراق هیچ بیر نرسه ایمس.»
عین حالده، اسلامی امارت دایم افغانستان ده عیاللر حق‌لری تامین‌لنیشی اوچون اوز سعی و حرکتی خصوصیده ایشانچ بیرگن؛ بیراق حاضرگچه دنیا جماعه نینگ قناعتی نی فراهم قیله آلمه‌گن.
