روان‌شناس‌لر نینگ ایتیشلریچه، تینچ‌سیزلیک و سونگی حادثه‌لر باعث اکثر اوقووچیلر فزیکی و روانی زیان کورگن‌لر. روان‌شناس‌لردن بیری سیدعلی اکبر سروری نینگ سلام‌وطندار گه ایتیشیچه، اوشبو حادثه اوقووچیلر و اهالی نینگ تحصیل و کیله‌جکلری گه نسبتن علاقه‌لرینی کمه‌یتیریشی ممکن.
جناب سروری نینگ ایتیشیچه: «خودکش و پارتلش هجوم‌لر اوقووچیلر نینگ روانی اوستیگه سلبی تأثیر قیله‌دی فزیکی یره‌لنگنلر و شهید بولگنلرگه علاوه، کوپراق اوقووچیلر روانی لحاظ‌دن زیان کورگن‌لر.»
روان‌شناس‌لر نینگ ایتیشلریچه، حادثه محلی‌ده بولگن اوقووچیلر مستقیم طرزده و حادثه محلی‌ده بولمه‌گنلر، غیر مستقیم طرزده، روحی و روانی زیان کوریش‌لری ممکن.
بیزلرنینگ فیسبوک صحیفه‌میزگه باش اورینگ!
روان‌شناس‌لردن باشقه بیری نجیب‌الله عظیمی نینگ ایتیشیچه، حاضر اکثر اوقووچیلر روحی و روانی زیان کوریشگن. اونینگ ایشانچی گه کوره، اوقووچیلر نینگ علاقه‌سیزلیگی، یخشی قرار آله آلمسلیک، امیدسیزلیک، ییترلی اویقو سیزلیک، کیچه کابوس کوریش و اشتهاسیزلیک، اولر نینگ روانی کسل‌لیکلریدن بولیشی ممکن. اونگه کوره: «حادثه محلی‌ده بولگن‌لر مستقیم طرزده و میدیالر آرقه‌لی کورگن‌لر نینگ روانی اوستیگه غیر مستقیم طرزده تاثیر قیله‌دی.»
کابل غربی قسمیده «شهید عبدالرحیم» مکتبی یقینیده اویوشتیریلگن ایکی پارتلش‌دن کیین، بهروان تدقیقاتی و روانشناسلیک خدمتلری بوییچه مؤسسه، روحی زیان کورگن اوشبو مکتب اوقووچیلری نینگ بی‌پول دوالش‌گه تیارگرلیک کورستگن.
مذکور مؤسسه نینگ ۲۰ دن آرتیق روان‌شناسی بار و ایکی کون ایچیده قریب ۱۰۰ اوقووچینی دوالش‌لری ممکن. «شهید عبدالرحیم» مکتبی اوقووچیسی و اوشبو مکتب‌ده اویوشتیریلگن سونگی هجوم گواه‌سی محمد رضا اکبری، حاضر مذکور روانشناسلیک مرکزده دوالنماقده ایتیشیچه، حادثه‌دن کیین قتیق باش آغریق تاپگن، کیچه‌لر کابوس کوره‌دی و ناامید دیر.
محمد رضا اکبری نینگ کوپه‌یتیریشیچه: «حادثه‌دن کیین باش آغریق تاپدیم و کیچه‌لر کابوس کوره‌من و امیدسیز بولگن‌من. سابق درس اوقیش اوچون کوپ علاقه‌مند ایدیم و حاضر کتاب‌نی آلگنده، اوقیش اوچون علاقه قیلمه‌ی من.»
بیزلرنینگ توییترده هم تعقیب قیلینگ!
عین‌حالده، حاضر یخشی طرزده گپله‌ی آلمه‌ی و قتیق روحی زیان کورگن اوقووچیلردن بیری عارف حسین گه کوره، سبق اوقیش جانی قیمتی گه تمام هم بولسه مکتبی گه دوام بیره‌دی. اونینگ ایتیشیچه، سونگی حادثه‌لر طفیلی مملکت بویلب اکثر اوقووچیلر مکتب بارمه‌یدیلر.
اسلامی امارت‌دن نیمه ایستش سوالی گه جواب ایتیشیچه، امنیت، امنیت و امنیت. اونگه کوره: «جانیم قیمتی گه تمام هم بولسه درسیم‌نی اوقیمن، کیله‌جگیمیز بار و یاش نسل میز.»
روان‌شناس‌لر نینگ ایشانچی گه کوره، آلتینچی صنف‌دن یوقاری قیزلر نینگ مکتب‌لری یاپیق قالگنی، اولر نینگ افسرده‌لیگی و کیله‌جکلری گه نسبتن امیدسیز بولیش‌لری گه سبب بوله‌دی.
