کابل ده معارف وزیرلیگی آرقه‌لی مبلیغ‌لر اوچون یولگه قوییلگن سیمینارده افغانستان دعوت و یول-یوریقنی کورسته‌تیش اداره باشلیغی محمد‌هاشم شهید‌ورور، ییتکرمه‌لر نماینده‌لریدن ساقال قوییشلری نی ایسته‌ب و ایتیشیچه، ییتکرمه‌لر آرقه‌لی صورت و ویدیو آلینیشی گناه کبیره دیر.
جناب شهید‌ورور نینگ کوپه‌یتیریشیچه: «ییتکرمه‌لر نماینده‌لری نینگ ساقال قوییش گه دعوت قیله‌میز. اولر صورت و ویدیو آلیش گه وقت‌لری نی اوتکزمه‌سینلر، چونکه صورت آلیش گناه کبیره دیر. تینگری‌دن سیزلر گه حلال رزق و روزی نصیب بولیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بو برنامه‌ده معارف وزیرلیگی مسئوللری نینگ ایتیشلریچه، نبوی اخلاق اساسیده دعوت قیلیش، حاضرگی توزوم نینگ مستحکم‌لنیشی گه سبب بولیشی ممکن.
معارف وزیرلیگی سرپرستی حبیب‌الله آغا اوشبو وزیرلیک مبلغ‌لریدن اهالی نینگ دعوت قیلیش پیتده، اولر اوستیده اوزلری نینگ حاکم قرار بیرمسلیکلری نی ایسته‌گن. «دعوت قیلیش اوچون بیزلر گه بویوک بیر ایش بیریلگن، پیغمبریمیز نینگ دعوت قیلگنی‌ده‌ک دعوت قیلیشیمیز کیره‌ک. دعوت قیلیش چاغیده هم اهالی اوستی گه اوزیمیز نی حاکم قرار بیرمه‌یلیک.»
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، کابل ده معارف وزیرلیگی آرقه‌لی یولگه قوییلگن بیر کون‌لیک اصلاحی و تربیتی سیمینارده، ۲۲۰ مبلیغ شرکت قیلگن.
