کوکلم موسومی نینگ باشلنیشی بیلن افغانستان نینگ تورلی ولایت‌لری سوو تاشقین‌لر گه شاهد بولگن که، اونینگ نتیجه‌سیده یشاوچیلر گه جانی و مالی زیان‌لر ییتیشگن.
طبیعی آفت‌لر نی باشقریش بوییچه دولت وزیرلیگی نینگ ایتیشیچه، اوشبو ییل ۹_ حمل‌دن ۱۳_حمل‌گچه مملکت نینگ تورلی ولایت‌لریده یوز بیرگن سوو تاشقین‌لر سبب، ۳ کیشی اولیب، ۱۰ کیشی یره‌لنگن و شونینگدیک ۲۶۱ یشش اوی ایسه تخریب بولگن.
بیزلرنینگ توییترده هم تعقیب قیلینگ!
اوشبو وزیرلیک سوزلاوچیسی شفیع‌الله رحیمی نینگ ایتیشیچه: «طبیعی آفت لر نی باشقریش بوییچه دولت وزیرلیگی نینگ گزارشی اساسیده، اوشبو ییل ۹_ حمل‌دن ۱۳_حمل‌گچه مملکت نینگ ۱۲ ولایتی‌ده سوو تاشقین‌لر یوز بیرگن که، قیغو بیلن، اوچ کیشی اولیب، ۱۰ کیشی یره‌لنگن و ۲۶۱ یشش اوی مکمل شکلده تخریب و ۱۵۵ راس چاروه تلف بولگن. شونینگدیک ۳۵۰۰دن آرتیق ایکینچی‌لیک ییر هم اورته‌دن کیتگن.»
سوو تاشقین‌لر سبب، اویی تخریب بولگن پکتیا مرکزی گردیز شهری نینگ «شیخان» قیشلاغی یشاوچیسی بولمیش وحید‌الله نینگ سلام‌وطندار گه ایتیشیچه: «اویی‌میز تخریب بولدی و برچه نرسه لای آستیده قالدی. الحمد‌الله جانی تلفات یوق، بیراق مالی تلفات کوپ دیر.»
عین حالده، اطراف-محیط بیلرمان باسط رحمانی نینگ ایتیشیچه، اقلیم اوزگریشی و سوو تاشقین‌لر یوز بیریشی افغانستان اوچون جدی بیر تهدید دیر.
بیزلرنینگ فیسبوک صحیفه‌میزگه باش اورینگ!
جناب رحمانی نینگ کوپه‌یتیریشیچه: «بوتون دنیا‌ده طبیعی آفت‌لر اهالی گه کوپینچه زیان‌لر ییتیشتیریب و سلبی زیان‌لر بیلن روپه‌ره قیلگن. افغانستان کبی اوچینچی دنیا مملکت‌لریده حادثه‌لر جماعه اوچون بویوک بیر تهدید بولیب قالگن. مذکور حادثه‌لردم کوپینچه‌سی اقلیم بیلن ارتباطی بار. بوگون گل‌خانه‌یی گازلر و دنیا نینگ ایسیق بولیشی موضوع‌لری هم اقلیم نینگ اوزگریشی گه سبب بولگن.»
ایتیش کیره‌ک که، هر ییل کوکلم موسومی‌ده افغانستان نینگ تورلی ولایت‌لری سوو تاشقین‌لر گه شاهد بوله‌دی که، کوپ قطار مورد‌لرده، اهالی گه جانی و مالی زیان‌لر هم ییتیشتیرگن.
