بوگون (پنج‌شنبه، ۱۷-حوت)، کابل ده افغانستان و تورکیه دوست‌لیگی نینگ ۱۰۳-ییل‌لیگی مناسبتی بیلن، افغانستان ده تورکیه معارف بنیادی و کابل ده تیکا دفتری همکارلیگی و هماهنگ‌لیگی‌ده تورکیه فارغ بولگنلر اویوشمه‌سی، ایکی تامان‌لمه فرهنگی رابطه‌لر کینگه‌یشی مقصد، بیر برنامه یولگه قویگن.
اوشبو برنامه کابل ده تورکیه ایلچی‌سی جنگ اونال، افغانستان ده تورکیه معارف بنیادی باشلیغی احمد توکور، کابل ده تیکا هماهنگ قیلووچیسی فاضل آکین اردوغان و بیر قطار مدنیت‌چیلر و طلبه‌لر حضوری بیلن اوتکزیلگن.
کابل ده تورکیه ایلچی‌سی، افغانستان و تورکیه دوست‌لیگی دوام قیلیشی گه تاکید‌لب ایتیشیچه، افغانستان و تورکیه اوزاق ییل‌لیک دوست‌لیککه ایگه دیر و افغانستان دنیا بیرینچی اوروشیده، طرف‌سیز قالیب؛ بیراق یاش ییگیت‌لری گه عثمانی امپراتورلیگیدن دفاع قیلیش اوچون رخصت بیریب و شونینگدیک تورکیه حکومتی ایجاد بولیشی‌دن کیین، اوشبو مملکت گه تبریکی بیرگن ایلک مملکت ایدی.
جناب اونال نینگ کوپه‌یتیریشیچه: «افغانستان و تورکیه نینگ معاصر مناسبتی عثمانی‌لر امپراتورلیگی گه باریب تقیله‌دی. افغانستان دنیا بیرینچی اوروشیده طرف‌سیز قالگن بولسه ده، بیراق عثمانی امپراتورلیگیدن باریب دفاع قیلیش اوچون ییگیت‌لری گه رخصت بیردی. تورکیه نینگ مستقل‌لیک اوروشی یکونلیب و جمهوریت توزومی شکللنیشی بیلن افغانستان بیرینچی بولیب اونی قوتلوغ له‌دی.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، مذکور برنامه گه شرکت قیلگنلر افغانستان ده تورکیه نینگ تحصیل، تعلیم و فرهنگی بولیم‌لرده قیله‌دیگن فعالیت‌لریدن خورسند‌لیک قیلیب و بو بولیم‌لرده تورکیه همکارلیگی نینگ دوام قیلیشی نی ایسته‌گنلر.
افغانستان و تورکیه دوست‌لیگی نینگ ۱۰۳-ییل‌لیگی مناسبتی بیلن یولگه قوییلگن مذکور برنامه گه شرکت قیلگنلردن و کابل ده تیکا دفتری تامانیدن یولگه قوییلگن آنلاین تعلیمی صنف اوقووچیلریدن بیری ثنا نینگ ایتیشیچه: «تورکیه مملکتی عیاللر اوچون کوپینچه فعالیت‌لر قیلگن و سونگی کون‌لر قیزلر اوچون تیکار دفتری آرقه‌لی بشری منبع‌لر بولیمی و تیل اورگه‌تیش بولیم‌لریده صنف‌لر تیکین شکلده یره‌تیلگن دیر.»
کابل ده تیکا هماهنگ قیلووچیسی فاضل آکین اردوغان نینگ ایتیشیچه، تیکا تورلی بولیم‌لرده فعالیت قیلیب و یقین کون‌لرده افغانستان ده‌گی قیزلر و عیاللر اوچون مسلک اورگه‌تیش صنف‌لر نی یره‌تیش نی نظر گه آلگنلر.
بیزلرنینگ فیسبوک صحیفه‌میزگه باش اورینگ!
کابل ده تیکا هماهنگ قیلووچیسی گه کوره: «سیزلر گه معلوم تیکا تورلی ساحه‌لرده فعالیت قیلماقده، یقینده عیاللر و قیزلر اوچون مسلک اورگه‌تیش صنف‌لرنی یولگه قوییش گه قرار قیلگن‌میز، چونکه مسلکی ایشنی بیلگن کیشی مملکتی‌ده آسایشته‌لیک بیلن حیات کچیره آله‌دی.»
عین حالده، مذکور برنامه یکونی‌ده، افغانستان و تورکیه دوست‌لیگی مناسبتی بیلن کابل نینگ پروژه تایمنی منطقه‌سیده جایشلگن پارک‌ده، ۱۰۳ کوچت ایکیلگن.
تورکیه افغانستان بیلن یقین رابطه گه ایگه بولگنی یانیده، سونگی ییل‌لر اوشبو مملکت‌ده کوپینچه بولیم‌لردن حمایت قیلیب و اداری، فرهنگی، تعلیمی و ساغلیک بولیم‌لریده افغانستان بیلن همکارلیک قیلگن دیر.
۱۰۳ ییل آلدین، میلادی ۱۹۲۱ ییل بیرینچی مارچ ده، امان‌الله خان ییتکچیلیگی‌ده افغانستان نینگ پادشاهی دولتی و مصطفا کمال آتاتورک رهبریتی‌ده تورکیه جمهوریتی آره‌سیده، بیرینچی اتحاد و همکارلیک کیلیشوونامه ایکّی مملکت نینگ وکیل‌لری آره‌سیده روسیه ده امضالندی.