افغانستان ملی دادخواهلیک گروهی بوگون کابل‌ده خبری بیر ییغین یولگه قوییب، اسلامی امارت قدرت گه ایریشیشی بیلن، افغانستان مدنی جماعه‌سی نینگ نابود بولیشی خصوصیده آگاه‌لنتیردی. بو گروه اعضاسی، افغانستان مدنی جماعه نابود بولیشی، مملکت یشاوچیلری نینگ سیسی نی اوچیشی دیگن.
افغانستان ملی دادخواهلیک گروهی نینگ اجرایی رئیسی اسد‌الله داوودزی، مدنی جماعه بویوکلری نینگ مملکت‌دن قاچگنی و مدنی نهادلر نینگ حمایت قیلینمه‌گنی، مدنی جماعه نینگ نابود بولیشی گه سبب بولگن دیب و ایتیشیچه: «بیزلر افغانستان مدنی جماعه‌سی نینگ نابود بولیشی بیلن روپه‌رو میز. سیزلر شاهد سیز که افغانستان‌ده یوزبیرگن اوزگریشلردن کیین، مدنی جماعه بویوکلری؛ مدنی جماعه فعال‌لری نینگ باشیده‌گی کیشیلر، افغانستاندن چیقدیلر و افغانستان جماعه‌سی سرپرست‌سیز قالدی. بیزلر نهادلر نینگ باغلنیشی گه شاهد‌میز نیمه اوچون حمایت بولمه‌یدی.»
بو ییغین افغانستان‌ده حاضرگی قیین‌چیلیکلر نی حل قیلیش اوچون یولگه قویلگن ایدی، افغانستان ملی دادخواهلیک گروه اعضالری نینگ ایتیش‌لریچه، افغانستان‌ده سیاسی قیین‌چیلیکلر حل بولمه‌گونچه، اجتماعی و اقتصادی قیین‌چیلیکلر نینگ حل بولیشی ممکن ایمس.
اولر افغانستان برابریده دنیا جماعه نینگ توجه‌سیزلیگی نی تأسف‌‌لی دیب و ایتیش‌لریچه، دنیا افغانستان‌ده‌گی انسانی و سیاسی قیین‌چیلیکلر نی حل قیلیش اوچون جدی اقدام قیلیشی کیره‌ک. اسد‌الله داوودزی نینگ ایتیشیچه: «افغانستان قیین‌چیلیگی نی حل قیلیش اوچون بیرینچی‌ده افعانستان دنیا جماعه‌سی، مملکتده‌گی سیاست‌چیلر و اسلامی امارت بیلن اوز آره‌لریده اولتیریب سیاسی قیین‌چیلیکدن قنده‌ی چیقیش خصوصیده صحبت قیلیشلری نی تکلیف بیره‌میز.»
افعانستان ملی دادخواهلیک گروهی، دنیا جماعه‌سی نینگ انسان‌دوستلیک یاردم‌لری نی ییترلی ایمس دیب و دنیا جماعه‌سیدن قیته قوریلیش و رواجلنتیریش بولیم‌لرده یاردم بیریش‌لری نی سوره‌یدی. اوشبو گروه اعضالری نینگ ایتیش‌لریچه، مدنی جماعه نینگ نابود بولمه‌یشی اوچون یاردم‌لر، افغانستان مدنی جماعه نهاد‌لری آرقلی صورت تاپیشی کیره‌ک.
