افغانستان عالم‌لر بویوک ییغینی بوگون کابل ده لویه جرگه خیمه‌سیده باشلنگن و ایکی کونگچه دوام تاپیشی ممکن. شونینگدیک مملکت یشاوچیلریدن قطاری نینگ سلام‌وطندار گه ایتیش‌لریچه، افغانستان عالم‌لر بویوک ییغینی جمهوریت تیزیمی‌ده‌گی سابق جرگه‌لر کبی نتیجه‌سیز بولیشی ممکن.
یشاوچیلر نینگ کوپه‌یتیریش‌لریچه، افغانستان عالم‌لر ییغینی همهشمول بولمه‌گنی باعث، جماعه نینگ باشقه بولیم‌لری گه آغیز زیان ییتیشتیریشی ممکن.
بیزلرنینگ توییترده هم تعقیب قیلینگ!
بو توغریده یشاوچیلردن بیری محمد‌شریف نینگ ایتیشیچه: «حاضر هیچ امیدیمیز یوق، چونکه جمهوریت تیزیمی‌ده هم کوپ جرگه یولگه قوییله‌ر ایدی، حتی کون‌لر و هفته‌لر اوته‌ر ایدی. بیزلر قشاق‌لیک‌دن باشقه هیچ بیر نرسه نی کورگنیمیز یوق.»
شونینگدیک یشاوچیلردن باشقه بیری الهام نینگ ایتیشیچه: «بو ییغینده یالغیز بیر قوم جرگه قیله‌دی، پس همهشمول ایمس.»
باشقه بیر تامان‌دن، یشاوچیلردن قطاری افغانستان عالم‌لر ییغینی‌دن تنقید‌لب و ایتیش‌لریچه، اسلامی امارت اوشبو ییغیلیش گه هزینه قیله‌دیگن پول‌لر نی افغانستان ده بشری و اقتصادی وضعیت گه توجه قیلیب، نیازمندلر گه اختصاص بیریشی لازم ایدی.
یشاوچیلر اسلامی امارت تامانیدن سرک‌لر نینگ بند بولیشی خصوصیده ایتیش‌لریچه، اولر اوچ کون جریانیده کوپینچه قیین‌چیلیک بیلن روپه‌ره بولگن ایدیلر. اولر نینگ کوپه‌یتیریش‌لریچه، اسلامی امارت اهالی قیین‌چیلیکلری نی حل قیلیش اورنیده، اولر نینگ قیین‌چیلیکلری نی کوپه‌یتیرگن دیر.
بیزلرنینگ فیسبوک صحیفه‌میزگه باش اورینگ!
بوتوغریده اسلامی امارت مسئوللری نینگ فکری نی آلیش ایسته‌دیک؛ بیراق موفق بولمه‌دیک.
ایتیش کیره‌ک که، افغانستان عالم‌لر بویوک ییغینی نینگ بیرینچی کونی اسلامی امارت تامانیدن رسانه‌لر نینگ حضورسیزلیگیده یولگه قوییلدی. مذکور ییغین مملکت بوییلب ۳۵۰۰ دین عالم نینگ شرکتی بیلن شنبه کونیگچه دوام تاپیشی ممکن.
