جمهوریت توزومی نینگ قولشی‌دن کیین، اروپایی مملکت‌لر گه انتقال تاپیش مقصدی‌ده، وقتینچه‌لیک شکلده ایران گه کیتگن اونلب خبرچی، نابیللی بیر شرایط‌‌ده قرار تاپگن‌لری خصوصیده شکایت قیله‌دیلر.
بیر ییل‌دن بیری ایران ده حیات کیچیره‌دیگن خبرچیلردن قطاری نینگ ایتیش‌لریچه، خبرچیلردن حمایت قیلووچی نهاد‌لر و خبرچیلر نی ایران گه باریش اوچون تشویش قیله‌دیگن رسانه‌لر، اولر نینگ حجت‌لری نی جدی شکلده تیکشیرمه‌گن.
بیزلرنینگ فیسبوک صحیفه‌میزگه باش اورینگ!
ایران ده‌گی افغان خبرچیلردن مشعل محمدی نینگ ایتیشیچه: «مذکور خبرچیلر اوزون مدت‌دن بیری رسانه‌لردن حمایت قیلووچی تشکیلات‌لر نینگ توصیه‌لری اساسیده، مملکت نی ترک قیلیب و ایران گه بارگنلر، بیراق حجت‌لری وقتیده تیکشیریلمه‌ی و بو توغریده هیچ توجه صورت تاپمه‌یدی.»
ایران ده‌گی افغان خبرچیلردن باشقه بیری هارون بصیر نینگ ایتیشیچه: «رهنمایی‌لری اساسیده، ایمیل یوباردیک و قریب اوچ آی‌دن بیری هیچ بیر جواب کیلمه‌گن.»
شونینگدیک ایران ده‌گی افغان خبرچیلردن قطاری نینگ ایتیش‌لریچه، ویزه‌لری وقتی کمه‌یگی سبب، اوشبو مملکت‌دن چیقریلیش خصوصیده خواطرده‌لر.
خبرچیلردن بیری میرامین میرزاده نینگ ایتیشیچه: «بیر ییل‌دن بیری عایله‌م بیلن ایران گه کیلگن‌مین. ایران حکومتی بیر مرته ویزه‌میز نی تمدید قیلدی و ینه بیر مرته پول بیلن تمدید قیلدی و باشقه ویزا‌میز نی تمدید قیلیش امکانی یوق. هر لحظه مملکت‌دن چیقریلیشی‌میز ممکن.»
باشقه بیر تامان‌دن، ایش‌سیزلیک، قشاق‌لیک و خوفسیزلیک خواطرلر اوتگن ۱۸ آی‌ده، خبرچیلردن قطاری نینگ قاچاقی شکلده ایران باریش‌لری گه سبب بولگن.
جمهوریت توزومی نینگ قولشی‌دن کیین ایران گه کیتگن عادل‌بیک، حاضر ایسه آغیر ایشلر بیلن شغللنگن دیر. اونینگ ایتیشیچه، مذکور مملکت‌ده‌گی خبرچیلر وضعیتی خواطرلنتیرووچی دیر.
بیزلرنینگ توییترده هم تعقیب قیلینگ!
عادل‌بیک نینگ کوپه‌یتیریشیچه: «هیچ بیر نهاد وضعیتی‌میز خصوصیده هیچ بیر نرسه سوره‌گنی یوق و هر بیر ییر و هر بیر ایلچی‌خانه گه مراجعت قیلدیک، بیراق وضعیتی‌میز گه توجه قیلمه‌گنلر.»
ایتیش کیره‌ک که، شونینگدیک حاضر ایسه پاکستان ده‌گی خبرچیلردن باشقه اونلرچه‌سی شو کبی وضعیت‌ده قرار تاپگنلر.