افغانستان رسانه‌لری و ژورنالیست‌لر نهادلری نینگ فدراسیونی، کابل بیلیم یورت استادی فیض‌الله جلال نینگ اسلامی امارت کوچلری تامانیدن قولگه آلینگنی نی، سوز ایرکین‌لیگی گه چیکلاو یره‌تیش دیب و بونده‌ی توتقونگه آلیش‌لرنی انسان حقلری قانون‌لری و ارزش‌لرگه قرشی دیگنلر.
مذکور فدراسیون بیر اعلامیه نشر قیلیش بیلن اسلامی امارت دن سوز ایرکین‌لیگی و رسانه ایرکین‌لیگی گه ضرر ییتیش نی آلدینی آلیش اوچون، بیلیم یورت مذکور استادی نینگ تیزلیککه قوییب یوباریلیشی نی سوره‌گن.
عین حالده، خلق‌ارا کیچیریم تشکیلاتی و انسان حقلرینی کوزه‌تووچی فیض‌الله جلال نینگ قولگه آلینگنی نی قاره‌لب و اونینگ تیزلیککه قیدسیز و شرط‌سیز قوییب یوباریلیشی نی سوره‌شگن.
فیض‌الله جلال اوتگن کون کابل ده اویی‌دن اوشلب آلیندی. اونینگ قولگه آلینیشی اجتماعی ترماق‌لرده کینگ عکس‌العمل‌لرگه روپه‌رو بولیب و نهایتده اونینگ قوییب یوباریلیشی اوچون بیر کمپاین هم یولگه قوییلدی.
بیزلرنینگ فیسبوک صحیفه‌میزگه باش اورینگ!
افغانستان اسلامی امارت سوزلاوچیسی ذبیح‌الله مجاهد، توییتری ده فیض‌الله جلال اسلامی امارت کوچلری تامانیدن قولگه آلینگنی نی تصدیقله‌گن. مجاهد نینگ یازیشیچه، او «اجتماعی ترماق‌لرده چتیات» اَیتیش اوچون قولگه آلینگن.
اسلامی امارت سوزلاوچیسی فیض‌الله جلال نی «متعصب بیر انسان» دیب و اونینگ اهالی نی نظام گه قرشی تحریک قیلیش گه عیبله‌گن. اونینگ کوپه‌یتیریشیچه، استاد و دانشمند آدرسی دن باشقه هیچ کیم چتیات ایتیش و حرمت‌سیزلیک قیلیش گه جرأت قیلمه‌سی اوچون، فیض‌الله جلال قولگه آلینگن.
فیض‌الله جلال بوندن آلدین نیچه مرته اسلامی امارت رسمی‌لری و اولرنینگ حکومتی دن تنقید قیلگن ایدی.
