جوزجان ولایتی آقچه تومنی قوم بویوک‌لریدن بیری ۲۵۰مینگ دالرلیک بیر مکتب نینگ قوریش ایشینی باشله‌دی. جوزجان معارف ریاستی رسمی‌لری نینگ ایتیشلریچه، اوشبو ایکی قوتلیک مکتب زمانه‌وی و پخته شکلده قوریلیب و ایکی تایم‌ده ۳۰۰۰دن آرتیق قیز و اوغیل اوقووچی سیغه‌دی.
جوزجان معارف باشلیغی محمد طاهر جواد نینگ ایتیشیچه، اوشبو ولایت نینگ آقچه تومنیده زمانه‌وی و پخته شکلده قوریله‌دیگن ۳۲صنف‌لیک و ایکی قوتلی مکتب نینگ تمل تاشی، ۲۵۰مینگ آمریکالیک دالر ارزشی‌ده ۳جریب ییرده محلی و خوفسیزلیک مسئول‌لر حضوری بیلن قوییلدی.
بیزلرنینگ فیسبوک صحیفه‌میزگه باش اورینگ!
جوزجان معارف باشلیغی گه کوره، اوشبو مکتب قوریلیش خرجتی جوزجان ولایتی آقچه تومنی قوم بویوک‌لریدن بولمیش عبدالله صافی تامانیدن توللـه نیله‌دی. جناب جواد نینگ کوپیتیریشیچه، مذکور مکتب‌ده ایکی تایم‌ده ۳مینگ‌دن آرتیق قیز و اوغیل باله سیغه‌دی و کیله‌سی ۳آی‌گچه ایشی یکونلنیب و فایده‌لنیشگه تاپشیریلیشی کوتیله‌دی.
عین‌حالده جوزجان حاکمی داملا شعیب رسالت گه کوره، مکتب فایده‌لنیشگه تاپشیریلیشی بیلن اوقووچیلر نینگ درس اوچون مناسب مکان یوق‌لیک قیینچیلیگی حل ایتیله‌دی. جوزجان حاکمی برچه انسان پرور و معارف سیور کیشی‌لرنی، اوشبو ولایت نینگ مرکزی و برچه تومن‌لریده مکتب و دینی مدرسه قوریش بوییچه کوپ‌دن کوپ سعی-حرکت قیلیش‌لرینی طلب قیلدی.
جوزجان حاکمی نینگ کوپیتیریشیچه: «مملکت نینگ آبادانچیلیگی و ترقیاتی اوچون حرکت قیله‌دیگن کیشی‌لرنی قوللب قوتله‌یمیز، فرزندلریمیزنی مکتب و مدرسه یوباریش اوچون ترغیب قیله‌میز.»
بیزلرنینگ توییترده هم تعقیب قیلینگ!
جوزجان آقچه تومنی قوم بویوک‌لریدن قطاری، اوشبو تومن‌ده مکتب قوریلیشیدن خورسندلیک بیلدیریب ایتیشلریچه، بوندن آلدین قیز و اوغیل اوقووچیلر اوزاق منطقه ده‌گی مکتب گه بارر ایدیلر، بو مکتب ایشی یکونلنیشی و فایده‌لنیشگه تاپشیریلیشی بیلن اولر نینگ بو قیینچیلیگی حل بوله‌دی.
جوزجان ولایتی آقچه تومنی قوم بویوک‌لریدن سمیع‌الله گه کوره، اوشبو مکتب قوریلیشی بیلن قیز و اوغیل اوقووچیلر گه قولی‌لیک یره‌تیله‌دی که بوندن آلدین بو گَل شرایط اولر گه یره‌تیلمه‌گندی. مذکور قوم بویوکی نینگ ایتیشیچه، بو مکتب قوریلیب فایده‌لنیشگه تاپشیریلیشی بیلن آقچه تومنی «بتی‌کوت افغانیه» قیشلاغی اوقووچیلری نینگ قیینچیلیک‌لری حل ایتیله‌دی.
بو عین‌حالده بوندن آلدین مذکور تومن اهالیسی، مکتب و دینی مدرسه‌لرینی کوپراق شخصی بودجه‌لریدن قورگن‌لر که حاضرگی کونده یوزلب اوقووچی درس و تعلیم بیلن تامینلنگن.
