جوزجان ولایتی‌ده فعالیت قیله‌دیگن پیروزی موسسه‌سی نینگ مسوولی خانم سمیرا ملکیارنینگ ایتیشیچه، اوشبو ولایت‌ده درس اوقیش شرایط‌‌گه ماس بولگن یوزگه یقین قیز و ایرکک باله بیلن سوزلشوو اوتکزیلیب و اولرگه تعلیم کوریش اوچون خاص صنف ایجاد ایتیلگن.

پیروزی موسسه‌سی مسوولی‌گه کوره، باشقه جوگی‌لر باله‌سینی هم اوشبو مکتب گه جذب قیلیش اوچون تلاش‌لر بولگن.

خانم ملکیار نینگ کوپه‌یتیریشیچه، حاضرده جوزجان ولایت‌ده ۳۵۰ کیشی دن عبارت بولگن ۶۵ جوگی عایله‌سی حیات کیچیره‌دی.

حین‌حالده، جوزجان ولایتی بوییچه معارف ریاستی مسووللری نینگ ایتیش‌لریچه، شبرغان شهریده بولگن دولتی مکتب نینگ بیر بولیمی، تعلیم کوریش اوچون محروم قالگن جوگی‌لر باله‌سی‌گه اجره‌تیلگن و جوگی‌لر باله‌سیگه سبق بیریش اوچون ایکی اوقیتووچی تعین‌لنگن.

جوزجان معارف ریاستی باشلیغی صالح محمد صالح نینگ ایتیشیچه، اوشبو تعلیمی صنف بیر تیکشیریش‌دن کیین جوگی‌لرنینگ یوزلرچه باله‌سیگه اجره‌تیلگن.

معارف باشلیغی نینگ سوزیگه کوره، افغانستان‌ده بیرینچی ‌مرته محروم بولگن قشرگه سبق اوقیش زمینه‌سی یره‌تیله‌دی، اوشبو آدیم اولرنینگ ایستک‌لری عمل‌گه آشیری‌لیش‌ده جوده اونملی بولگن.

شونینگدیک، جوزجان ولایتیده جوگی‌لر نماینده‌سی نینگ ایتیشیچه، جوگی‌لر نیچه‌ییل‌لردن بویان کیم‌لیک و مکتب صاحبی‌ بولیشنی کوتیب تورگن ایدی و بوگون ایستک‌لریگه‌قول تاپگنلر.

کلیدی کلمه‌لر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام