دایکندی خوفسیزلیک مسئوللری نینگ ایتیش‌لریچه، اوشبو ولایت میرامور تومنی نینگ «نرخسی» قیشلاغیده فلانکوچ تیپلی بیر موتر نینگ سرک‌دن چیقیب چپه بولگنی باعث، ۱ کیشی هلاک و ۹ کیشی ایسه یره‌لنگن.
دایکندی امنیه قومندانلیگی نینگ خوفسیزلیک آمری سیف‌الله شاکر نینگ ایتیشیچه، میرامور تومنی یشاوچیلری مینگن اوشبو موتر، بوگون ایرته‌لب ساعت ۷ اطرافیده غزنی‌دن قیته‌دیگن چاغده، سرک‌دن چیقیب و چپه بولگن.
بیزلرنینگ توییترده هم تعقیب قیلینگ!
اونگه کوره، اوشبو واقعه‌ده ۳ عیال، ۱ باله و ۵ ایرکک یره‌لنگن و ۳۵ یاشر بیر ایرکک ایسه هلاک بولگن دیر. دایکندی محلی منبع‌لریدن کیلگن معلومات‌لر اساسیده، اوتگن اوچ آی جریانیده اوشبو ولایت نینگ میرامور تومنی‌ده ۲۶ کیشی هلاک و ۱۵ کیشی ایسه یره‌لنگن.
دایکندی مملکت نینگ مرکزی‌دن اوزاق بیر ولایت دیر. سرک‌لری نینگ کم عرض‌لیگی، بوزیق‌لیگی و هیداوچیلر نینگ توجه‌سیزلیگ باعث، اوشبو ولایت‌ده ترافیکی حادثه یوز بیره‌دی.
