فاریاب ده‌گی منبع‌لر، اوشبو ولایتده ترافیکی حادثه نتیجه‌سیده ۱۰ کیشی نینگ اولیب و یره‌لنیشیدن خبر بیرگنلر. اوشبو حادثه بوگون (دوشنبه، ۳۱ اسد) میمنه_اندخوی قتناو یولیده یوز بیرگن.
عینی گواه‌لردن محمدالله نینگ سلام‌وطندار گه ایتیشیچه، بوگون ایرته‌لب ساعت ۶:۳۰ اطرافیده، فاریاب ولایتی نینگ دولت‌آباد و قرمقول تومنی آره‌لیغیده، «سراچه» رسوملی بیر موتر یولدن چیقیب چپه بولگن.
بیزلرنینگ فیسبوک صحیفه‌میزگه باش اورینگ!
اوشبو عینی گواه گه کوره، مذکور ترافیکی حادثه ده موتر هیداوچی جان بیریب و بیر عیال شامل ۹ کیشی یره‌لنگنلر.
منبع‌لر نینگ ایتیشلریچه، اوشبو واقعه طفیلی یره‌لنگنلر اندخوی و جوزجان کسلخانه‌لری گه انتقال بیریلگن.
بیزلرنینگ توییترده هم تعقیب قیلینگ!
عین‌حالده، ایکی کون آلدین اوشبو یول ده «لوکسل» رسوملی بیر موتر یولدن چیقیب چپه بولیشی نتیجه‌سیده، ایکی عیال شامل اوچ کیشی یره‌لنگن ایدیلر.
