مملکت‌ده سونگی اوزگریشلر و اسلامی امارت نینگ قدرت گه ایریشگنیدن کیین، عیال‌لردن کوپ قطاری ایشلری نی قولدن بیردیلر که عایله‌لری نینگ یالغیز نان کیلتیرووچیسی بولگن عیال‌لر، انه شوو سبب کوپینچه اقتصادی قیین‌چیلیک بیلن روپه‌رو بولگنلر.
شونده‌ی بیرحالده، حاضر هم عیال‌لردن قطاری مبارزه‌دن قول تارتمه‌ی و دفتری ایشلری نی قولدن بیریشلری بیلن، صنعت گه یوزکیلتیرگنلر. بو آره‌ده، ایکی ییل آلدین بیلیم یورت نی بیتیرگن ۲۴ یاشر مرسل احمدی، قندوز‌ده تیکووچیلیک بیر مرکز ایجاد قیلگن.
مذکور یاش عیال سلام‌وطندار بیلن اوتکزگن صحبتی‌ده ایتگن که، اوزی و عیال‌لر گه عاید و ایش زمینه‌سی نی ایجاد قیلیش اوچون، ۶ آیدن بیری اوشبو مرکز نی اویی‌ده ایجاد قیلگن. اونینگ کوپه‌یتیریشیچه، بعضی تجهیزات نینگ کم‌لیگی بیلن روپه‌رولر و قندوز‌ده یاردم بیرووچی نهاد‌لردن تیکووچیلیک وسیله‌لر نینگ تکمیل بولیشی اوچون، اولردن همکارلیک سوره‌گن.
بیزلرنینگ فیسبوک صحیفه‌میزگه باش اورینگ!
مرسل احمدی نینگ ایتیشیچه: «قیزلر نینگ عملی ایش قیلیشلری اوچون وسیله‌لریمیز یوق، ماشین یوق، قیچی یوق و حتی تکه هم یوق. بیزلر بو ییرده ۴ تایمی‌میز بار و کمیده ۸۵ شاگرد بار، اولردن برچه‌سی یاش قیزلر و عیال‌لر دیر. تیکوچیلیک اورگنیش نی ایسته‌یدیلر، بیراق اوزگریشلردن کیین، بیزلر نینگ حمایت قیلووچی هیچ بیر اداره یوق. حمایت قیلووچی اداره‌لر بولگن صورت‌ده، بیزلر گه یاردم قیلیشلری نی سوره‌یمیز.»
مرسل نینگ اورغولشیچه، اوشبو مرکز یاش قیزلر و بی‌سرپرست عیال‌لر گه تیکووچیلیک مهارتلر نینگ اورگنیش زمینه‌سی نی فراهم قیلیش اوچون ایجاد قیلگن. اونگه کوره، اوشبو مرکزده ۸۵ عیال و یاش قیز فعالیت قیله‌دی و اولردن قطاری نینگ مهارتی کوپ بولگنی سبب، شونینگدیک معاش قولگه کیلتیره‌دیلر.
باشقه بیر تامان‌دن، اوشبو مرکزده فعالیت قیله‌دیگن قیزلر نینگ ایتیش‌لریچه، مملکت‌ده‌گی سونگی اوزگریشلردن کیین، تحصیل قیلگن قیزلر، جماعه‌ده بیلیم‌لریدن فایده‌لنه آلمه‌یدیلر.
ینگی‌لیکده بیلیم یورت نی بیترگن ۲۴ یاشر تمنا نینگ ایتیشیچه، حاضرگی تیزیم تامانیدن یره‌تیلگن چیکلاولر بیلن، دولتی و غیر دولتی اداره‌لرده ایش قیله‌آلمه‌یدی و انه شوو سبب، تیکووچیلیککه یوزکیتیرگن.
اونینگ کوپه‌یتیریشیچه: «بیزلر نینگ بو ییرده درست بیر نرسه اورگنیشی‌میز اوچون، بیزلر بیلن همکارلیک قیلیشلری نی سوره‌یمیز. عیال‌لر برابریده کوپینچه چیکلاولر یره‌تیلگن و عیال‌لر اوی‌لریدن تشقی ایش قیله‌آلمه‌یدیلر.»
بیزلرنینگ توییترده هم تعقیب قیلینگ!
بیر آیدن بیری مذکور مرکز گه تیکووچیلیک اورگنیش اوچون کیله‌دیگن ۲۰ یاشر بهشته نینگ ایتیشیچه، کوپ مهارتلر نی اورگنگن؛ بیراق اوشبو مرکزده بعضی وسیله‌لر و تجهیزات نینگ کملیگی‌دن شکایت قیله‌دی. اونینگ کوپه‌یتیریشیچه: «بیزلر بو ییرده ماشین، قیچی و باشقه نرسه‌لر نینگ کم‌لیگی بیلن روپه‌رو میز. بیزلر نینگ تیکووچیلیک مرکزی‌میز گه یاردم بیریشلری نی ایسته‌ی‌میز. بیزلر بو شرایط‌ده بو ییر گه کیلدیک، همکارلیک قیلسین‌لر که پیشرفت قیله‌یلیک.»
عیال‌لر نینگ ایتیش‌لریچه، تیکووچیلیک هنری یولیدن اقتصادی قیین‌چیلیکلری برابریده مبارزه قیلیب و خودکفالیککه ییتیشیش نی ایسته‌یدیلر.
