افغانستان سودا و سرمایه کیریتیش اتاقی، ۱۰۰ نفر افغانستان سوداگرلریدن عبارت بیر هیئت سودا آلیش-بیریشنی کینگهیتیریش مقصدیده اوزبیکستان گه جونب کیتگنیدن خبر بیردی.
اوشبو اداره، بوگون (۲ جوزا/۲۳ می، شنبه) بیر بیانیه ترقهتیب، ۱۰۰ نفر افغانستان سودا گرلری، صادر قیلووچیلر و خصوصی سکتور وکیللریدن عبارت بیر هیئت، افغانستان سودا و سرمایه کیریتیش اتاق اورین باسری آرین زلگی عظیمی باشچیلیگیده اوزبیکستان گه جونب کیتگنینی بیلدیردی.
بیانیه گه کوره، اوشبو هیئت افغانستان و اوزبیکستان اورتهسیده سودا علاقهلرنی کینگهیتیریش، قوشمه سرمایه کیریتیش امکانیتلرینی تیکشیریش، خصوصی بولیم اورتهسیده اقتصادی همکارلیکلرنی مستحکملش اوچون سفر قیلگن.
بو هیئت اوزبیکستاننینگ نمنگان ولایتیگه کیتگنی ایتیلگن.
ایسلهتیب اوتهمیز، بوندن ایلگری اوزبیکستان هیئتی سودا علاقهلرنی کینگهیتیریش و افغان-اوزبیک سوداگرلری ییغیلیشیده اشتراک ایتیش اوچون کابل گه کیلگن ایدی.
