پایتخت کابل شهری ده آلتین ساتووچیلردن بیرقطاری، سودالری یخشی بولگنیدن خورسندلیک قیلیب، اوتگن بیر آی گه نسبتن آلتین سودالری میزانی ۴۰ فایز آشگنینی معلوم قیله‌دیلر.
کابل شهری ده‌افغانان ده آلتین ساتووچیلردن عبدالفتاح گه کوره، اوشبو کون‌لرمشتری‌لری کوپه‌یب و هر کونی قریب ۸۰۰ گرام طلا ساته‌دی. او نینگ کوپه‌یتیریشیچه: «توی و شیرینی خورلیکلر باشلنگنی اوچون؛ اوتگن آی گه نسبتن طلا سودامیز کوپ یخشی بولگن.»
بیزلرنینگ فیسبوک صحیفه‌میزگه باش اورینگ!
کابل ده طلا ساتووچیلردن باشقه بیری ویس‌احمد نینگ ایتیشیچه، مشتری‌لری سانی کوپه‌یشی سبب کوپ طلا وارد قیلگن. اونگه کوره: «حاضرگی کونده سودا یخشی دیر. هر کیم اوز توانی گه قره‌ب سودا آله‌دی. آلتین‌لرینی ساته‌دیگن مشتری‌لریمیز هم بار؛ بیراق اوتگن آی گه نسبتن سودا یخشی دیر.»
شونینگدیک، کابل شهری ملک اصغر تورت یولیده آلتین ساتووچیلردن محمداقبال، دایزین‌لرینی مشتری‌لری نینگ خواهش_ایسته‌گیگه قره‌ب توزه‌تیشنی ایته‌دی. او نینگ کوپه‌یتیریشیچه: «اوتگن بیر آی ده طلا نرخی ده بیر آز اوزگریش‌لر کیلگن؛ بیراق یشاوچیلر ضرورت‌لری گه قره‌ب ساتیب آله‌دیلر. اولر تورلی خیل آلتین‌لرنی خوشله‌یدیلر. مشتری‌لریمیز سانی کوپه‌یشی اوچون دیزاین‌لر اوستیده ایشله‌یمیز.»
عین‌حالده، سودا اوچون طلافروش‌لیککه کیلگن یشاوچیلردن بیرقطاری نینگ ایتیشلریچه، شهر نینگ تورلی بورچک‌لریده آلتین نرخی فرقلی دیر. کابل شهرنو یشاوچیسی فرحت، عایله اعضالری بیلن طلا ساتیب آلیش گه کیلگن ایتیشیچه: «دوست‌لریمیزدن بیری نینگ تویی دیر. طلا ساتیب آلیش گه کیلگن‌میز. بوگون باشقه جای‌لر گه نسبتن اوشبو مارکیت ده آلتین نرخی قیمت دیر؛ لیکن صفتلی و یخشی دیزاین‌لی طلالری بار. مین ۲۱ عیار طلا نی آلتی مینگ افغانی ساتیب آلدیم.»
بیزلرنینگ توییترده هم تعقیب قیلینگ!
حاضرگی کونده، کابل شهری بازارلریده کویتی ۱۸ عیار طلا گرامی، تورت مینگ ۷۵۰ افغانی و مصری ۲۱ عیار طلا، بیش مینگ ۷۰۰ افغانی ساتیلماقده.
