جاری قویاش ییل باشلنگنیدن بویان حاضرگچه، مملکت نینگ ۱۲ ولایتیدن ۶۷ مینگ عایله آواره بولگن.
سلام‌وطندار تامانیدن توپلنگن معلومات‌لرگه کوره، جاری قویاش ییل باشلنگنیدن بویان مملکت نینگ ۱۲ ولایتیده امنیتی کوچلر بیلن طالبان گروهی آره‌سیده‌گی آتیشمه‌لر باعث ۶۷ مینگ ۵۶۴ عایله آواره بولگن.
اوشبو معلومات گه کوره، جاری قویاش ییل باشلنگنیدن بویان قندوز ولایتیدن ۱۲ مینگ عایله، بلخ ولایتیدن ۲۵ مینگ عایله، بامیان ولایتیدن ۶ مینگ و ۲۰۰ عایله، بدخشان ولایتیدن ۶ مینگ عایله، جوزجان ولایتیدن ۶ مینگ و ۵۰۰ عایله، هرات ولایتیدن ۳ مینگ عایله، فاریاب ولایتیدن ۳ مینگ عایله، غور ولایتیدن ۲ مینگ و ۶۰۰ عایله، لوگر ولایتیدن ۱ مینگ ۲۶۴ عایله، بادغیس ولایتیدن ۱ مینگ ۵۰۰ عایله و نیمروز ولایتیدن ۵۰۰ عایله اوی-جایلرینی ترک ایتیب، باشقه ولایت‌لرگه آواره بولگن.
اوشبو ولایت‌لر ایچیده هرات ولایتی گه اینگ کوپ آواره بولگن عایله‌لر جایلشگن. جاری ییلده‌گی اوروش و قورغاوچیلیک‌لر باعث، بادغیس، غور، فاریاب و فراه ولایت‌لری تومنلری نینگ یشاوچی‌لری هرات ولایتی گه جایلشگنلر.
اوشبو آواره عایله‌لر، حکومت و یاردم ایتووچی نهادلرنینگ توجه‌سیزلیگیدن جدی صورتده تنقید قیلیب و ۲۴ ساعت جریانیده یالغیز بیر وقت باله‌لریگه قوروق نان بیریش‌لری بیلدیرگنلر.
بادغیس ولایتیدن آواره بولگن ولی جان و محمدالدین نینگ ایتیشیچه، اقتصادی وضعیت‌لری جوده یمان بولگن و حتا اُون‌نی کیلو بیلن ساتیب آلیشده هم قادر بولمه‌گنلر.
باشقه بیر قطار آواره بولگنلر نینگ ایتیش‌لریچه، آذیق اوقات بولمه‌گنی باعث فرزندلری اوقات ایسته مسلیکلری اوچون اویقو کیلتیرووچی دارو بیره‌دیلر.
۱۰ فرزندی بیلن آواره بولگن حمیدالله نینگ ایتیشیچه: ” اویقو کیلتیروچی دارونی ۲۰ افغانی گه ساتیب آله‌من، ۱۰ فرزندیم بار، آذیق اوقات ایسته‌مسلیکلری اوچون هرکون بیرته دارو بیره‌من، خداگه قسم، بوندی حیاتدن اولیم یخشی دیر”.
یالغیز هرات ولایتیدهگی آواره‌لر شکایت قیلمه‌گن، بلکیم باشقه ولایتلردهگی آواره‌لرهم حکومت و یاردم ایتووچی نهادلرنینگ توجه‌سیزلیگیدن تنقید ایته‌دیلر.
قندوز افغانستان نینگ اوروشلی ولایتلریدن دیر. قندوز ولایتی محلی مسؤللری نینگ ایتیش‌لریچه، جاری ییلده ۱۲ مینگ عایله امام صاحب، خان آباد، چهاردره و آقتاش تومن‌لریدن اوشبو ولایت مرکزیگه آواره بولگنلر.
آواره بولگنلر گه کوره، نیچه آیدن بویان کرایی اویلرده حیات کیچیره‌دیلر و حکومت بو خصوصده توجه قیلمه‌گن.
سرپل و فاریاب ولایت‌لری و جوزجان نینگ ناتینچ تومن‌لریدن جوزجان مرکزی شبرغان شهریگه آواره بولیب کیلگن عایله‌لرهم اقتصادی وضعیت‌لری جوده یمان بولگنیدن خبر بیرگنلر. اوشبو عایله‌لر گه کوره، حاضرگچه حکومت یا-ده یاردم ایتووچی نهادلر تامانیدن اساسی احتیاج‌لرینی تأمین قیله‌دیگن یاردم قولگه کیلتیرمه‌گنلر.
آواره‌لرگه کوره، آواره‌لر اوچون صورت تاپگن یاردم‌لرنی شهرده یشه‌یدیگن کیشی‌لر آلیب کیته‌دیلر و آواره‌لر خبر سیز قاله‌دیلر.
قیش فصلی ییتیب کیلیشی بیلن بدخشان، بامیان، فاریاب، بلخ، تخار، لوگر، غور، بادغیس و نیمروز ولایت‌لری آواره‌لری نینگ وضعیتی جوده یمانلشگن و امنیتی کوچلر بیلن طالبان گروهی آره‌سیده یوز بیرگن آتیشمه‌لر باعث اوی-جایلرینی ترک ایتیشده مجبور بولگنلر.
اوشبو آواره‌لر نینگ ایتیش‌لریچه، حکومت توجه قیلیب، یاردم بیرمه‌گن حالده، شهر دکان‌لرینی اوغیرلشدن باشقه چاره‌لری قالمه‌گنیدن آگاه‌لنتیرگنلر.
قطار ولایت‌لر مهاجرلر ریاستی مسؤللری نینگ سلام‌وطندارگه ایتیش‌لریچه، قطار آواره عایله‌لر گه آذیق-اوقات و تورلی ماده‌لر توزیع ایتیلگن.
هرات مهاجرلر ریاستی باشلیغی جاوید نادم نینگ ایتیشیچه، جاری هفته جریانیده اوشبو ولایتده‌گی ۱۶ مینگ آواره عایله‌دن ۶۹۰۰ آواره عایله‌گه یاردم توزیع بوله‌دی. او نینگ کوپه‌یتیریشیچه، کرونا ویروسی نینگ ایکینچی موجی باشلنگنی باعث، یاردملر رقمی آزه‌یگن.
جوزجان مهاجرلر ریاستی باشلیغی عبدالمالک رستمی نینگ ایتیشیچه، جوزجان ولایتی نینگ ناتیچ تومنلری و سرپل و فاریاب ولایتلریدن جوزجان نینگ مرکزی شبرغان شهریگه آواره بولگن ۶۵۰۰ عایله دن ۲۵۰۰ عایله گه یاردم توزیع ایتیلگن.
انه‌شوحالده، غور و نیمروز ولایت‌لری نینگ مهاجرلر ریاست‌لری مسئوللری نینگ ایتیش‌لریچه، اوشبو ولایتلردهگی قطار آواره‌لر گه آذیق اوقات و نقد پول توزیع بولگن.
لیکن قندوز، بامیان، بلخ، لوگر، بدخشان و فاریاب ولایت‌لری مهاجرلر ریاست‌لری نینگ باشلیغ‌لری گه کوره، آواره بولگن عایله‌لر نینگ وضعیت‌لری جوده یمان بولگن و انه شوباعث یاردم ایتووچی نهادلر، یاردم بیریش‌لری کیره‌ک.
