بوگون “سه‌شنبه” افغانستان ایرکین و عادلانه سیلاو بنیادی یا-ده فیفا اداره‌سی مسوول‌لری کابلده خبر بیر ییغین اوتکزیب، نماینده‌لر کینگشی نینگ ۱۷- دوری و ایکینچی ییل فعالیتی جریانیدن قولگه کیریتگن معلومات‌لرنی میدیالر بیلن شریک قیلگن و مذکور معلومات‌لرگه کوره، حکومت نماینده‌لر کینگشی ایش‌لریگه دخالت قیله‌دی.
افغانستان ایرکین و عادلانه سیلاو بنیادی نینگ پارلمانی بولیمی مسوولی حسیب معترف نینگ ایتیشیچه، نماینده‌لر کینگشی ایکینچی ییل فعالیتی جریانیده تقنینی حجت‌لردن ۵۰% نی جمهور رییس غنی نینگ تقنینی فرمان‌لری تشکیل بیره‌دی.
جناب معترف گه کوره، تقنینی فرمانلر رقمی نینگ کوپ بولگنی سبب، نماینده‌لر کینگشی نینگ اساسی ایش‌لری حکومت تامانیدن نقض ایتیلگن.
معترف نینگ کوپه‌یتیریشیچه، مملکت پارلمانی ایکینچی ییل فعالیتیده ۳۲ تقنینی حجت‌نی تیکشیرگن و بو جمله‌دن ۵۰% نی تصدیق‌لب و باشقه ۵۰% نی رد قیلگن. اونینگ ایتیشیچه، جمهور رییس تامانیدن نماینده‌لر کینگشی گه یوباریلگن ۱۶ تقنینی فرماندن یالغیز ۲ ته‌سی ایجابی آواز قولگه کیریتگن.
عین‌حالده، افغانستان ایرکین و عادلانه سیلاو بنیادی یا-ده فیفا اداره‌سی مسوولی محمدنعیم اصغری نینگ ایتیشیچه، اوشبو نهاد اختیاریگه قرار تاپگن معلومات‌لرگه کوره، نماینده‌لر کینگشی نینگ ۱۷- دور و ایکینچی ییل فعالیتی کوپینچه قیین‌چیلیکلر بیلن دوچ کیلگن، لیکن ینه هم قطار یوتوق‌لرگه قول تاپگن.
جناب اصغری گه کوره، نماینده‌لر کینگشی حکومت نینگ نفوذ و دخالتی بولگنی سبب، قانون توزه‌تیش بولیمی‌ده یخشی عمل قیلمه‌گن.
بوتوغریده جمهورلیک ریاستی فکرینی آلیش اوچون سعی و حرکت قیلدیک، لیکن موفق بولمه‌دیگ.
