نماینده‌لر کینگشی عضوی عبدالستار حسینی نینگ ایتیشیچه، مملکت گمرک‌لریده کینگ شکلده فساد نی دوامی بار.
بوگون “چهارشنبه” مالیه وزیرلیگی سرپرستی خالد پاینده و صناعت و سوداگرلیک وزیری نثاراحمد غوریانی نماینده‌لر کینگشی اعضالری نینگ سوراقلریگه جواب قیتریش اوچون اوشبو کینگش‌گه چقیریلگن بیرحالده، جناب حسینی بو ادعالرنی بیان قیلگن.
نماینده‌لر کینگشی اوشبو عضوی نینگ کوپه‌یتیریشیچه، فراه ولایتیده گمرکی درآمدلردن ۵۰% طالبان کیسه‌سیگه کیره‌دی و شونینگدیک، فساد بولگنی سبب، باشقه ۳۰% مافیا کیسه‌سیگه کیره‌دی.
عبدالستار حسینی نینگ ایتیشیچه، گمرکی درآمدلردن یالغیز ۲۰% حکومت اختیاریگه قرار تاپه‌دی. اونینگ ایتیشیچه، گمرک‌لرده فسادنی دوامی بار و افغانستان چیت‌ایللیک مملکت‌لرنینگ یاردمی‌گه محتاج دیر.
نماینده‌لر کینگشی اوشبو عضوی‌گه کوره، درآمدلری توغری شکلده توپلنگن صورتده، افغانستان نینگ چیت‌ایللیک مملکت‌لرگه بولگن نیازی یکونلنه‌دی.
عین‌حالده، مالیه وزیرلیگی سرپرستی خالد پاینده، گمرک‌لرده فساد بولگنی‌نی تصدیق‌لگن.
جناب پاینده گه کوره، گمرک‌لرده سیار مراقبت قیلیش بولیم فاسد بولگن جایلردن دیر و اوشبو بولیم باشقه بولیم‌لرده فساد کوپه‌یشی‌گه سبب بولگن.
مالیه وزیرلیگی سرپرستی، گمرکلردن فسادنی نابود قیلیش اوچون ینگی ریجه‌لر قولگه آلینگنیدن خبر بیرگن.
