افغانستان سرپرست حکومتی نینگ تشقی ایشلر وزیرلیگی‌‌ده بیر منبع، کیم‌لیگی سِر قالیش شرطی بیلن سلام‌وطندار گه ایتیشیچه، اسلام امیرلیگی سوزلاوچیسی نینگ اورین باسرلریدن بلال کریمی، چین پایتختی بیجینگ ده افغانستان ایلچی‌خانه‌سی نینگ ینگی سرپرستی صفتیده ایتیب تعیینلنگن.
چین حاضرگچه اسلام امیرلیگی سرپرست حکومتی نی رسمیت گه تانیمه‌گن؛ بیراق بو حکومت بیلن یقین سوداگرلیک و سیاسی رابطه‌سی بار. بو مملکت، اوشبو ییل جریانی‌ده تشقی ایشلر وزیرلیگی سرپرستی امیرخان متقی نینگ میزبانی ایدی و چین تشقی ایشلر وزیری وانگ یی، متقی گه واخان دهلیزینی قوریش‌ده مملکتی نینگ همکارلیک قیلیشی خصوصیده سوز بیرگن ایدی.
بیزلرنینگ فیسبوک صحیفه‌میزگه باش اورینگ!
شو بیلن بیرگن چین، ینگی ایلچی نی افغانستان گه تعیین‌لب و او رسمی روشده ایلچیلیک مکتوبینی اسلام امیرلیگی باش وزیری محمد‌حسن آخوند گه تاپشیرگن و مکتوبی ایسه مملکت باش وزیرلیگی تامانیدن تصدیقلنگن. چین نینگ ینگی ایلچیسینی قبول قیلینیشی، چین بیلن منطقه‌وی همکارلیک‌لرده سرپرست حکومت رابطه‌لرینی کوپ‌دن کوپ کوچ‌لنتیرگن.
خلق‌ارا مناسبت‌لر بیلرمان‌لریدن قطاری نینگ ایتیشلریچه، بیجینگ ده ده افغانستان ایلچیسی قبول قیلینگنی حالده، چین آرقهلی سرپرست حکومت نینگ تن آلیش معناسی گه دیر. خلق‌ارا مناسبت‌لر تحلیلچیسی فتیح‌الله احدی نینگ ایتیشیچه: «چین اعلام قیلمه‌گن که سرپرست حکومت نی رسمیت گه تانیدی؛ بیراق چین ده افغانستان ایلچیسی نینگ قبول‌لنیشی، تانیش اوچون بیر مقدمه دیر. بیر مملکت اوزی اوچون بیر ایلچی تعیین قیلگنی و قرشی تامان هم اونینگ مکتوبی نی قبول قیلگنی صورت‌ده، سرپرست حکومت نینگ رسمیت گه تانیگن دییه آله‌میز.»
بیزلرنینگ «ایکس» ترماغی ده هم تعقیب قیلینگ!
شونینگدیک سیاسی مسئله‌لر بیلرمانی اسدالله ندیم نینگ ایتیشیچه، چین بیلن سرپرست حکومت نینگ دیپلماتیک مناسبتی، سوداگرلیک بولیم‌لریده افغانستان یشاوچیلری نینگ قیین‌چیلیک‌لری نی حل قیلیشی ممکن. «افغانستان یشاوچیلری قیین‌چیلیک‌لری نی حل قیلیشلری اوچون، ایلچی‌خانه‌لر آرقهلی اونینگ حل بولینیشی گه نیازلری بار و اقتصادی ایش بیلرمان ایلچی بولسه یخشی ایدی؛ چونکه افغانستان ده چین اوچون اقتصادی مسئله‌لر اولویتی بار.»
ایتیش کیره‌ک، بلال کریمی اسلام امیرلیگی حاکمیتیدن آلدین، فرهنگی بولیم‌ده فعالیت قیلر ایدی و اوندن کیین، سرپرست حکومت سوزلاوچیسی اورین‌باسری صفتیده ایتیب تعیینلنگن ایدی
