سوداگرلیک و صناعت وزیرلیگی مسئوللری نینگ سلام‌وطندار گه ایتیشلریچه، دوشنبه کونی ۲۲-عقرب، اسلام امیر‌لیگی سرپرست حکومتی‌دن بیر هیئت اوشبو وزیرلیک سرپرستی نورالدین عزیزی ییتکچیلیگی‌ده، پاکستان و اوزبیکستان بیلن اوچ تامانلمه ییغین گه شرکت قیلیش اوچون پاکستان پایتختی اسلام‌آباد گه کیتگن.
سوداگرلیک و صناعت وزیرلیگی سوزلاوچیسی آخوندزاده عبدالسلام جواد نینگ ایتیشیچه، مذکور وزیرلیک سرپرستی پاکستان نینگ وقتینچه‌لیک حکومتی تشقی ایشلر وزیری جلیل عباس جیلانی بیلن، ایکی مملکت نینگ ترانزیتی قیین‌چیلیک‌لری و کراچی بندری‌ده افغانستان سوداگرلری نینگ تواری یوکلنگن ۳۰۰۰ذن آرتیق کانتینر توخته‌تیلگنی خصوصیده بحث و صحبت قیلگنلر.
بیزلرنینگ فیسبوک صحیفه‌میزگه باش اورینگ!
اسلام‌آباد و کابل آره‌سیده جنجل‌لر کوپه‌یگنی بیلن، افغانستان سوداگرلری دایم کراچی بندری و تورخم قتناو یولی‌ده خصوصی بولیم برابریده پاکستان حکومتی نینگ باسیم‌لری خصوصیده شکایت قیلیب و ایتیشلریچه، سوداگرلیک توارلر توخته‌گنی، اولر گه میلیون‌لر دالر زیان ییتیشتیرگن.
شونده‌ی بیرحالده، افغانستان سوداگرلیک و سرمایه یاتقیزیش اتاق مسئوللری، اسلام امیر‌لیگی رسمی‌لری بیلن پاکستان رسمی‌لری نینگ اوچره‌شگنی نتیجه‌سیده، مملکت ترانزیتی قیین‌چیلیک‌لری حل بولیشی نی کوتیب تورگنلر.
بیزلرنینگ «ایکس» ترماغی ده هم تعقیب قیلینگ!
افغانستان سوداگرلیک و سرمایه یاتقیزیش اتاق اورین‌باسری خیرالدین مایل نینگ ایتیشیچه: «اوشبو سفر ترانسپورت، ترانزیت و انتقال‌لر گه تیگیشلی افغانستان خصوصی سکتوری توغریسیده‌گی قیینچیلیکلر نینگ حل قیلیشی نی کوتیب تورگن‌میز. سوداگرلیک و سرمایه یاتقیزیش اتاقی قوشنی مملکت‌لر بیلن یخشی مناسبت‌لر نی ایسته‌یدی.»
ایتیش کیره‌‌ک که، بوندن آلدین افغانستان و پاکستان نینگ قوشمه صناعت و سوداگرلیک اتاقی، ینگی‌لیکده پاکستان تامانیدن ترانزیت بولیمی‌ده وضع بولگن چیکلاو‌لر نینگ، دنیا قاعده-قانونی گه قرشی عنوان قیلگن.
